Crime: अल्पवयीन मुलीचा विनयभंग; दोन शिक्षकांची कारागृहात रवानगी

Latest Vidarbha News: अल्पवयीन मुलीला वाढदिवसाच्या दिवशी खोलीवर बोलावून तिचा विनयभंग करणाऱ्या दोन शिक्षकांना पोलिसांनी अटक केली. शनिवार (ता. ३१) येथील अतिरिक्त जिल्हा सत्र न्यायालयात हजर करण्यात आले. न्यायालयाने दोन शिक्षकांना न्यायालयीन कोठडी सुनावली. त्यानंतर तत्काळ पोलिसांनी दोन शिक्षकांची कारागृहात रवानगी केली.

येथील प्रमोद बेलेकर व धनंजय पारखे एका कनिष्ठ महाविद्यालयात शिक्षक म्हणून कार्यरत आहे. प्रमोद बेलेकर याचा वाढदिवस होता. त्यामुळे अल्पवयीन मुलीला धनंजय पारखे यांच्या रूमवर बोलावले. वाढदिवसाचे गिफ्ट प्रमोद बेलेकर याने चॉकलेट दिले.

रिटर्न गिफ्ट मागत मुलीचा विनयभंग केला. याप्रकरणी प्रमोद बेलेकर व धनंजय पारखे यांच्याविरुद्ध विनयभंग पोस्को तसेच अनुसूचित जाती व अनुसूचित जमाती कायद्याअंतर्गत गुन्हा दाखल करण्यात आला.

दोघेही चंद्रपूर येथून रेल्वेने पळून जाण्याच्या बेतात होते. चंद्रपूर गुन्हेशोध पथकाने दोघांना शुक्रवारी संध्याकाळी चंद्रपुरातून ताब्यात घेतले. त्यांना वरोरा पोलिसांच्या स्वाधीन केले. आज वरोरा येथील अतिरिक्त जिल्हा सत्र न्यायालयात हजर करण्यात आले. न्यायालयाने कोठडी ठेवण्याचे आदेश दिले. पोलिसांनी दोन शिक्षकांची कारागृहात रवानगी केली.

या घटनेच्या निषेधार्थ शनिवारी वरोरा बंद पाळण्यात आला. बंददरम्यान शहरातील शाळा, महाविद्यालय आणि शहरातील ऑटो पूर्णतः बंद होते. दुपारनंतर काही दुकाने सुरू झाली. या घटनेनंतर लगेच संस्था संचालकाची तातडीची बैठक पार पडली.

या बैठकीत प्रमोद बेलेकर व धनंजय पारखे या दोन शिक्षकांचा निलंबनाचा प्रस्ताव तयार करण्यात आला. तो अंतिम मंजुरीकरिता शिक्षणाधिकाऱ्याकडे पाठविण्यात आल्याची माहिती संस्थेच्या पदाधिकाऱ्यांनी दिली.