पिंपरी : जुन्या भांडणाच्या कारणावरून तरुणावर कोयता व चाकूने वार करून खून करण्यात आला. ही घटना चिंचवडमधील बिजलीनगर येथे घडली. गणेश मरिअप्पा याद्रामी (वय २०, रा. बिजलीनगर, चिंचवड) असे या हल्ल्यात मृत्यू झालेल्या तरुणाचे नाव आहे. याप्रकरणी सहा जणांवर गुन्हा दाखल झाला आहे.
आरोपी व गणेश यांचे दोन दिवसांपूर्वी भांडण झाले होते. याचा राग आरोपींच्या मनात होता. दरम्यान, शनिवारी (ता. ४) सायंकाळी साडे सातच्या सुमारास गणेश हे बिजलीनगर येथील शिवनगरी कॉलनी येथे असताना तेथे आलेल्या आरोपींनी त्यांच्यावर कोयता व चाकूने वार केले. यामध्ये गंभीर जखमी झाले. उपचारासाठी त्यांना तातडीने रुग्णालयात दाखल केले. मात्र, डॉक्टरांनी त्यांना मृत घोषित केले. याप्रकरणी चिंचवड पोलिस ठाण्यात गुन्हा दाखल असून पोलिस अधिक तपास करीत आहेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
