![astrio tips](http://media.assettype.com/esakal%2F2022-09%2F37c917e6-ee6c-4ceb-a2ec-710977771455%2Fesakal_new___2022_09_17T155223_021.jpg?w=480&auto=format%2Ccompress&fit=max)
पुणे : आपल्या जीवनातील प्रत्येक गोष्टीचा संबंध ज्योतिषशास्त्राशी आहे. घरी काही चांगली घट़ना असो वा वाईट आपण पंचाग पाहतो. तो दिवस शुभ आहे की अशूभ हे पाहीले जाते. २४ तासातील कोणती वेळ शुभ हेही पाहीले जाते. तसेच कोणाकडून तरी उधार पैसे घेतानाही हे पाळावे लागते. नाहीतर याचे गंभीर परीणाम भोगावे लागतात.
एखाद्या मित्राकडून पैसे उधार घेताना आपण त्याला आपली अडचण सांगतो आणि पैसे घेतो. पण, जेव्हा द्यायची वेळ येते तेव्हा मात्र आपण टाळाटाळ करतो. आपल्याक़डे पैसे असतात, त्याला परत द्यायची इच्छाही असते. तरीही आपण ते परत देऊ शकत नाही. असे होण्याला काय कारण असते. याचा कधी विचार केला आहे का. नाही ना, चला मग जाणून घेऊयात पैसे उधार घेण्याबाबतीत ज्योतिष शास्त्रात काय नियम आहेत ते.
शास्त्रानुसार, सूर्यदेवतेला ऋण हरणारा म्हणजेच दु:ख दुर करणारा मानला जातो. सुर्याचा वार रविवार असल्याने त्यादिवशी कर्ज घेऊ नये.ज्योतिष शास्त्रात परिवर्तनशील आरोह (चर लग्न) शुभ मानला जात नाही. या काळात कोणालाही पैसे देणे अथवा घेणे टाळावे. कर्ज घेताना मूल, आद्रा, ज्येष्ठा, विशाखा, कृतिका, ध्रुव स्ग्नक आणि रोहिणी नक्षत्र पाहावे. संक्रांतीच्या दिवशी कर्ज घेऊ नये. या दिवशी घेतलेले कर्ज फेडणे अशक्य होते. वृद्धी योग, द्विपुष्कर योग, त्रिपुष्कर योग यामध्येही कर्ज घेऊ नये.
या दिवशी घेऊ नये कर्ज
ज्योतिष शास्त्रानुसार, आर्थिक व्यवहार करताना आठवड्यातील वारांना अधिक महत्त्व आहे. कर्ज घेण्यापूर्वी दिवस वार लक्षात ठेवावेत. ज्योतिषशास्त्रानुसार, शनिवारी कर्ज घेऊ नये. या दिवशी कर्ज घेतल्याने कर्जाचा अधिक बोजा होतो. शनिवार, मंगळवार आणि रविवारी कर्ज घेऊ नये.
जर तुम्ही आठवड्याच्या या 3 दिवसांत कर्ज घ्याल. तर, कर्जाची परतफेड करण्यात अनेक अडचणी येऊ शकतात. परंतु या दिवशी कर्ज फेड करणे शुभ मानले जाते. कर्जाचा हप्ता भरण्यासाठी मंगळवार हा सर्वात शुभ दिवस मानला जातो.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.