घराच्या मुख्य दारी बसाल तर धनलक्ष्मी जाईल दूर, टाळा या सवयी

प्रत्येकातच काही चांगल्या आणि वाईट सवयी असतात.पण काही वाईट सवयींनी तुमच्या आयुष्यात आर्थिक वादळही येऊ शकतं.आपल्या घरातील अनेक मोठ्या व्यक्तींकडून आपल्याला अनेक वाईट सवयींसाठी टोकलं जातं.पण अनेकवेळा आपण त्याकडे दूर्लक्ष करतो.मात्र लहान सहान गोष्टींवर दूर्लक्ष केल्याने आपलं मोठं नुकसानही होऊ शकतं.वास्तू शास्त्रात या गोष्टींचं विशेष महत्व सांगितल्या गेलं आहे.

रात्री नखे कापणे, मुख्य दारी बसणे,उष्टी भांडी न घासणे या काही वाईट सवयी अनेकांना असतात.वास्तूशास्त्रात अशा अनेक सवई आर्थिक नुकसानदायक सांगितल्या गेल्या आहेत.जर तुम्हालाही अशा काही सवयी असतील तर आजच सोडा.आणि या सवयी का सोडाव्यात ते जाणून घ्या.

रात्री नखे का कापू नये ?

अनेकदा घरातले मोठे रात्री नखे कापायला टाळतात.वास्तु शास्त्रानुसार रात्री नखे कापणे अशुभ मानलं जातं.रात्री नखे कापल्याने घरात दारीद्र्य येतं आणि पैश्यांचं नुकसानही होतं.हिंदू शास्त्राच्या मान्यतेनुसार रात्री घरात लक्ष्मी माता धन आणि आशीर्वाद द्यायला दारी येते. त्यामुळे घरातल्या प्रौढ व्यक्तींकडून रात्री नखे आणि केस न कापण्याचा सल्ला दिला जातो.

मुख्य दारी का बसू नये

अनेकांना उन्हाळ्याच्या दिवसांत बाहेरची हवा घेण्यासाठी किंवा थंडीच्या दिवसांत उन घेण्यासाठी घराच्या मुख्य दारात बसायची सवय असते.हे देखील वास्तु शास्त्रात अशुभ मानल्या जातं.घराच्या मुख्य दारात बसल्याने आर्थिक अडचणी उद्भवू शकतात असं मानलं जातं.मान्यतेनुसार घराच्या मुख्य दारातून लक्ष्मी माता घरात प्रवेश करते.त्यामुळे घराच्या मुख्य दारात बसल्याने किंवा मुख्य दाराच्या आजूबाजूला केरकचरा ठेवल्याने लक्ष्मी मातेला राग येतो.

उष्टी भांडी का ठेऊ नये

काही लोक रात्रीची उष्टी भांडी तशीच सोडून देतात.आणि ती सकाळी धुतात.ही सवयसुद्धा वाईट मानली जाते.रात्रीची उष्टी भांडी सकाळी बघितल्यास घरी पैश्यांची तंगी उद्भवू शकते असे म्हटल्या जातं.