Bhanu Saptami : कुंडलित सूर्य कमजोर असल्यास 'हे' त्रास होतात

Bhanu Saptami : कोणत्या दिवशी कोणती तिथी येते याला ज्योतीषशास्त्रात फार महत्व आहे. जसं, मंगळवारी चतुर्थी, सोमवारी अमावस्या, बुधवारी अष्टमी आल्यास या दिवसांना विशेष महत्व प्राप्त होते. तसंच रविवारी येणाऱ्या सप्तमीला भानू सप्तमी म्हणतात.

यादिवशी सूर्याच्या उपासनेला विशेष महत्व देण्यात आले आहे. आपला जन्म ज्या दिवसाला झालेला असतो त्या दिवसाची तिथी, वेळ, ग्रह दशा यावर कुंडली तयार होते. जर कुंडलित सूर्य कमजोर असेल तर हा दिवस त्यांच्यासाठी विशेष साधनेचा आहे.

कुंडलीतला सूर्य काय सांगतो?

आत्मिकशक्ती, रोग प्रतिकारक शक्ती, धनलाभ किती होणार याचा अंदाज लावला जातो. जर कुंडलीत सूर्य कमजोर असेल तर या घटकांवर त्याचा विपरीत परिणाम दिसतो.

महत्व

• सूर्यग्रहण काळात केल्या जाणाऱ्या जप-तपाचं जे फळ मिळतं ते फळ या दिवशी जपतप केल्याने मिळतं.

• पूजा आराधना केल्यास आश्चर्यकारक फळ मिळतं.

• ज्यांच्या पत्रिकेत सूर्य कमजोर आहे त्यांनी या दिवसाचा फायदा घ्यावा.

काय करावे?

सूर्यमंडल स्तोत्र, ह्रीं सूर्याय नमः, श्री सूर्याय नमः या मंत्रांचा जास्तीत जप करावा. गुरूमंत्राचा जप करावा. सूर्य नारायणाची कृपा मिळेल. पत्रिकेतले दोष दूर होतात.