Chandra Grahan 2023 : वर्षातलं पहिलं चंद्रग्रहण ५ मे रोजी असणार आहे. तेव्हा या काळात तुम्हाला सावधगिरी बाळगण्याची गरज आहे. असे न केल्यास तुम्हाला गंभीर समस्यांचा सामना करावा लागू शकतो. यंदाचं पहिलं चंद्रग्रहण भारतात दिसणार नसलं तरी त्याचा प्रभाव सगळीकडे दिसून येईल. तेव्हा या काही चुका चुकूनही करू नका.
चंद्रग्रहणाच्या वेळी जपून राहा
या वर्षी चंद्रग्रहणाच्या काळात लोकांनी सावधगिरी बाळगणे आवश्यक असल्याचे शास्त्राच्या तज्ज्ञांनी म्हटले आहे. विशेषत: ज्या महिला गर्भवती आहेत. गरोदर महिलांनी ग्रहण काळात घराबाहेर पडू नये आणि ग्रहण काळात जेवण करू नये. ग्रहण काळात पूजेपासून दूर राहा. याशिवाय भाजीपाला कापण्यासाठी चाकू, सूरी या साधनांचा वापर करू नये.
ही कामं करणे टाळा
शास्त्र तज्ज्ञांच्या मते चंद्रग्रहणात तुम्ही कोणावर राग काढल्यास पुढले १५ दिवस तुमच्यासाठी अडचणीचे ठरू शकतात. चंद्रग्रहणाच्या वेळी चुकूनही एकांत ठिकाणी किंवा स्मशानभूमीत जाऊ नका. ग्रहणकाळात पती पत्नीने शारीरिक संबंधांपासून दूर राहावे.
ग्रहण काळ
या वर्षातील पहिले चंद्रग्रहण ५ मे रोजी होणार असल्याचे ज्योतिषी सांगतात. रात्री 8:44 वाजून सुरु होणार असून ते मध्यरात्री 1:20 पर्यंत राहील. ग्रहणाच्या दिवशी गंगेत स्नान करून गोरगरिबांना दान करावे लागते. ग्रहण संपल्यानंतर घराची शुद्धी करा आणि गरजूंना कपडे दान करा. (Lunar Eclipse)
डिस्क्लेमर - वरील लेख सामान्य माहितीवर आधारलेला असून सकाळ समुह याची पुष्टी करत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
