Kaal Bhairav Jayanti 2022 : कालभैरव जयंतीला करा ही कामे, अकाली मृत्यू अन् ग्रह दोष टळतील

Kaal Bhairav Jayanti : कालभैरव यांना शंकराच रौद्र रुप मानलं जात. कार्तिक कृष्ण अष्टमीला कालभैरव जयंती साजरी केली जाते. यंदा बुधवारी (ता. 16) काल भैरव जयंती आहे. कालभैरव हे शिव शंकराच रौद्र रुप असल्याने ते अत्यंत क्रोधीत असतात, मात्र त्यांची उपासना करणाऱ्या भक्तांसाठी मात्र ते अत्यंत दयाळू असतात. काल भैरवांची भक्ती- भावाने पुजाअर्चा करणाऱ्या भक्तांना त्यांचे आशिर्वाद प्राप्त होतात. चला तर कालभैरव जयंतीला काय करावे ते जाणून घेऊया.

...नाहीतर कालभैरव करतील शिक्षा

कालभैरवाचे रूप अत्यंत क्रोधीत असले तरी ते आपल्या भक्तांप्रती अत्यंत दयाळू आहे. दुष्कृत्य करणाऱ्यांना कालभैरव शिक्षा करतात. असे म्हणतात की जो कोणी कालभैरवांची पूजा करतो तो सर्व प्रकारच्या भयापासून मुक्त राहतो. सत्कर्म करणाऱ्यांवर कालभैरवाची कृपा सदैव असते. इतकेच नाही तर काल भैरवाची पूजा केल्याने नकारात्मक ऊर्जा दूर राहते. यासोबतच अकाली मृत्यूचा धोका आणि ग्रह दोषांसह कोणत्याही प्रकारचे आजारही टळतात.

हे उपाय करा...

* काल भैरव हे शिव शंकराचे स्वरुप आहेत. त्यामुळे या दिवशी भगवान शंकरांची मोठ्या भक्ती भावाने पुजा करावी.

* शंकराच्या मंदिरात दुधाने अभिषेक करावा.

* कुत्रा हे कालभैरवाचे वाहन मानले जाते. कालभैरव कुत्र्याला खाऊ घातल्याने प्रसन्न होतात. त्यामुळे प्रत्येक कालाष्टमीला कुत्र्याला अन्न द्यावे.

* कालभैरव जयंतीच्या दिवशी भैरव चालीसा, कालभैरव अष्टकाचा पाठ करावा. या उपायांनी शनि आणि राहूचे वाईट प्रभाव टाळता येतील.

* कालभैरव जयंतीच्या मध्यरात्री चार मुखी दिवा लावावा.

* कालाष्टमीला शेंदूर, तीळाच तेल, नारळ, हरभऱ्याची डाळ गरजवंताला दान करावी.

* कालभैरव जयंतीला हे उपाय केल्याने मनुष्याला काल भैरवांचे आशिर्वाद प्राप्त होतील अन् सर्व दुःख, पापांचा नाश होईल.

माहिती विवेचन - विजय राजेंद्र जोशी (ज्योतिष अभ्यासक, नाशिक)