श्री कृष्णाचा जन्म मथुरेला झाला. मथुरेसह देशात असे अनेक मंदिर आहेत जे श्री कृष्णाचे पावन तिर्थ म्हणून प्रसिध्द आहेत. तिथे केवळ दर्शन आणि पूजनाने सर्व दूःख दूर होतात. यंदाच्या गोकुळाष्टमीच्या निमित्ताने कृष्णाच्या या चमत्कारीक व भव्य मंदिरांविषयी जाणून घेऊया.
श्री कृष्ण जन्मभूमी मंदिर उत्तर प्रदेश
असे मानले जाते की, श्री कृष्णाचा जन्म द्वापार युगात उत्तर प्रदेशच्या मथुरा जिल्ह्यातल्या एका जेलमध्ये झाला. जिथे कृष्णाचा जन्म झाला होता तिथेच आता श्री कृष्ण जन्मभूमी मंदिर आहे. तिथे रोज हजारो भक्त दर्शनासाठी येतात.
इस्कॉन मंदिर, दिल्ली
दिल्लीतले श्री श्री राधा पार्थसारथी मंदिर ज्याला इस्कॉन मंदिर म्हणून ओळखले जाते. इथे कायम हरे राम हरे कृष्णाचा जप सुरू राहतो. हे उत्तम वास्तुकलेचे उदाहरण असून इथे राधा कृष्णाबरोबर राम, सीता आणि लक्ष्मणचे पण दर्शन मिळते. मंदिरात विविध कलाकृती बघायला मिळतात.
बाके बिहारी मंदिर, उत्तर प्रदेश
कृष्णाच्या प्रसिध्द मंदिरांपैकी एक वृंदावनातील बाके बिहारी मंदिर आहे. या मंदिराची स्थापना १८६४ मध्ये स्वामी हरिदास यांनी केली होती. इथे सावळ्या मूर्तीतील कृष्णाचे दर्शन मिळते.
भालका तिर्थ, गुजरात
हे स्थान गुजरातच्या सौराष्ट्रमध्ये आहे. असे मानले जाते की, भालका तिर्थ या ठिकाणी भगवान श्री कृष्णाला आराम करताना शिकारीचा बाण लागला होता. त्यानंतर ते पृथ्वी लोक सोडून वैकुंठात गेले. बाणाला भल्लापण म्हटले जात असल्याने या ठिकाणाला भालका तिर्थ म्हणतात.
द्वारकाधीश मंदिर, गुजराथ
द्वारकाधीश श्री कृष्ण यांचे हे पवित्रस्थान भक्तांसाठी महत्वपूर्ण आहे. इथे श्री कृष्णाला द्वारकाधीशाच्या रूपात पूजले जाते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
