Nag Panchami 2022: नागपंचमीच्या दिवशी चुकूनही 'या' पाच गोष्टी करू नका.

नागपंचमी हा श्रावण महिन्यातील सण आहे. या दिवशी घरोघरी नागाची पूजा करून नागदेवतेला प्रसन्न करण्याची पद्धत आहे. कालिया नागाचा पराभव करून यमुना नदीच्या पात्रातून भगवान श्रीकृष्ण सुरक्षित वर आले तो दिवस श्रावण शुद्ध पंचमीचा होता. त्या दिवसापासून नागपूजा प्रचारात आली असे मानले जाते.

यंदाच्या वर्षी 2 ऑगस्ट रोजी नागपंचमी आली आहे. चला तर मग आज आपण बघणार आहोत नागपंचमीला दिवशी कोणते काम करू नये.

1) नागपंचमीच्या दिवशी सापांना कोणताही त्रास देऊ नका, त्यांचा शारिरीक छळ होईल असे कुठलेच कृत्य करू नका आणि सापांच्या प्रतिमेचे पूजा करून जिवंत सापांचे रक्षण करेल अशी शपथ घ्या.

2) नागपंचमीच्या दिवशी स्वयंपाक करण्यासाठी तवा आणि लोखंडी कढईत चुलीवर किंवा गॅसवर ठेवू नका कारण असे केल्याने सर्पदेवतेला त्रास होतो, असे मानले जाते.

3) नागपंचमीच्या दिवशी शिवलिंगाला किंवा नागदेवाला तांब्याच्या भांड्यात दूध अर्पण करू नये. पाण्यासाठी तांब्याचे भांडे आणि दुधासाठी पितळाचे भांडे वापरावे.

4) सुई, चाकू, करवत यांसारख्या कोणत्याही तीक्ष्ण आणि धारदार वस्तूंचा वापर या दिवशी अशूभ मानला जातो.

5) या दिवशी जिवंत सापाला दूध देऊ नका. दूध हे सापांसाठी विषासारखे असू शकते, म्हणून त्यांच्या मूर्तीवरच दूध अर्पण करावे. कोणत्याही प्रकारच्या जमिनीचे उत्खनन करण्यास मनाई आहे. म्हणजे जमीन खुपरणी करणे, शेतातील गवत उपटणे या गोष्टी करणे टाळाव्यात. असं म्हणतात की ,असे केल्याने जमिनीच्या आतील सापांच्या बिळाला धक्का लागू शकतो.