Pitru Paksha 2023: पितृ पक्षात काय करावे आणि काय करू नये? सर्व महत्वाचे नियम जाणून घ्या

यावर्षी पितृ पक्ष 29 सप्टेंबर 2023 पासून सुरू होत असून तो 14 ऑक्टोबरला संपेल. पितृ पक्षाच्या काळात पितरांच्या आत्म्याच्या शांतीसाठी श्राद्ध केले जाते. हिंदू धर्मात श्राद्धाला विशेष महत्त्व आहे.

श्राद्ध म्हणजे भक्तीभावाने केलेला विधी, ज्यामुळे पितरांना समाधान मिळते. परंतु शास्त्रांमध्ये असे अनेक नियम सांगितले आहेत, ज्यांचे पालन पितृ पक्षाच्या काळात करणे आवश्यक आहे. चला जाणून घेऊया पितृ पक्षाच्या दिवसात काय करावे आणि काय करू नये…

पितृ पक्षात काय करावे?

• सर्वप्रथम पितृ पक्षात आपल्या पूर्वजांचे स्मरण करावे लागते.

• पितृपक्षाच्या दिवसात पितरांसाठी जे काही अन्न ठेवले असेल ते नंतर गाय, कावळा, कुत्रा इत्यादींना खाऊ घाला. त्यांच्याद्वारे हे अन्न पितरांपर्यंत पोहोचते, अशी हिंदू धर्मात श्रद्धा आहे.

• पितृ पक्षामध्ये दररोज स्नान केल्यानंतर लगेच पितरांना जल अर्पण करावे. यामुळे त्यांच्या आत्म्याला लवकर समाधान मिळते आणि आशीर्वाद मिळतो.

• पितृ पक्षात जर तुम्ही तुमच्या पूर्वजांना तर्पण (पिंडदान वैगेर) अर्पण केले तर तुम्हाला या पक्षात ब्रह्मचर्य नियमांचे पालन करावे लागेल.

पितृ पक्षात काय करू नये?

• पितृ पक्षाच्या दिवसात लसूण, कांदा, मांस, मद्य इत्यादींचे सेवन करू नये. तसेच या दिवसात तुमच्या घरातील वडीलधाऱ्यांचा आणि पूर्वजांचा अपमान करू नका.

• कोणतेही धार्मिक किंवा शुभ कार्य जसे की मुंडन, लग्न, गृहप्रवेश, नामकरण इत्यादी करू नका. पितृ पक्षाच्या काळात अशा गोष्टी करणे अशुभ आहे.

• पितृ पक्षात काही लोक नवीन कपडे खरेदी करणे आणि परिधान करणे देखील अशुभ मानतात.