Raksha Bandhan 2023 : अरे देवा ! यंदा राखी पौर्णिमेचा मुहूर्त रात्री 8 नंतर, जाणून घ्या सविस्तर

Raksha Bandhan Shubha Muhurta :

श्रावण महिना आला की, व्रत वैकल्यांबरोबर सणावारांचीही रेलचेल असते. या महिन्यात विशेषतः भावाचे कौतुक केले जाते. नागाला भाऊ मानून नागपंचमीच्या आदल्या दिवशी भावाच्या दीर्घायुष्यासाठी उपवास केला जातो. तर बहिण भावाच्या नात्यातला गोडवा जपत बहिणीच्या रक्षणाचा बंध जपणारा सण रक्षाबंधनही श्रावणातच येतो.

यंदा रक्षा बंधन ३० ऑगस्ट रोजी आहे. परंतु याचा मुहूर्त मात्र रात्री 8 नंतर आहे. असे का जाणून घेऊया.

खगोल अभ्यासक आणि देशपांडे पंचांगकर्ते पंडित गौरव देशपांडे यांनी या दिवसातील शुभ, अशुभ योगांविषयी सांगितले आहे. जाणून घेऊया.

राखी पौर्णिमेच्या दिवशी रात्री 8 वाजून 5 मिनीटांपर्यंत भद्रा अर्थात वृष्टी कर्ण आहे. शास्त्रानुसार भद्रेवरती राखी बांधू नये. त्यामुळे या काळात राखी बांधणे अशुभ मानले जाते. त्यामुळे रात्री 8 पर्यंत राखी बांधू नये.

भद्रा मुख

अगदीच रात्री 8 पर्यत वाट पाहणे शक्य नसेल तर किमान सध्यांकाळी 5.30 ते 7.30 हे दोन तास तरी राखी बांधू नये. कारण हा काळ भद्रा मुख काळ आहे. हा काळ वर्ज करून उर्वरीत दिवसभरात कधीही राखी बांधू शकतात.

राखी बांधताना हे लक्षात ठेवा

रक्षाबंधनाला भावाला राखी बांधताना बहिणीने पुढील मंत्राचे उच्चारण करावे.

येन बद्धो बली राजा दानवेन्द्रो महाबलः ।

तेन त्वाम् अभिबध्नामि रक्षे मा चल मा चल ।।