Sankashti Chaturthi 2024 : गणपती बाप्पांच्या पूजेसाठी चतुर्थीचे व्रत अतिशय शुभ मानले जाते. यंदा आषाढ महिन्यातील कृष्ण पक्षातील चतुर्थी तिथीला अंगारकी संकष्टी चतुर्थीचे व्रत केले जाणार आहे. आज ही अंगारकी संकष्टी चतुर्थी असून आजच्या दिवशी गणपती बाप्पांची आराधना केली जाते, पूजा केली जाते. धार्मिक मान्यतेनुसार, दर महिन्याला संकष्टी चतुर्थीला व्रत करण्याचा नियम आहे.
विशेष म्हणजे चंद्राचे दर्शन केल्याशिवाय, हे संकष्टी चतुर्थीचे व्रत पूर्ण होत नाही. आज सगळीकडे मोठ्या उत्साहात ही संकष्टी चतुर्थी साजरी केली जाईल. त्या निमित्ताने आपण गणपतीच्या पुजेचा शुभ मुहूर्त, तिथी आणि चंद्रोदय कधी आहे? हे जाणून घेणार आहोत.
आषाढ महिन्यातील कृष्ण पक्षाच्या संकष्टी चतुर्थीची तिथी आज मंगळवारी मध्यरात्री १ वाजून २३ मिनिटांनी सुरू होणार असून ही तिथी २५ जून रोजी रात्री ११ वाजून १० मिनिटांनी संपणार आहे.
संकष्टी चतुर्थीचा ब्रह्म मुहूर्त हा पहाटे ४ वाजून ०५ मिनिटांनी सुरू होणार असून तो ४ वाजून ४५ मिनिटांपर्यंत असेल. या दिवशी गणेश पूजेचा अभिजात मुहूर्त हा सकाळी ११ वाजून ५९ मिनिटांनी सुरू होणार असून तो १२ वाजून ४७ मिनिटांपर्यंत असेल. या शुभ मुहूर्तांवर तुम्ही गणपती बाप्पांची विधिवत पूजा करू शकता.
अंगारकी संकष्टी चतुर्थीच्या दिवशी रात्री १० वाजून २७ मिनिटांनी चंद्रोदय होईल. त्यानंतर, तुम्ही चंद्राल अर्घ्य देऊ शकता. हे अर्घ्य केल्याशिवाय संकष्टी चतुर्थीचे व्रत पूर्ण मानले जात नाही, हे लक्षात असुद्या. त्यामुळे, चंद्राला अर्घ्य अवश्य द्या आणि नैवेद्य जरूर दाखवा आणि तुमचे गणेशाचे व्रत पूर्ण करा. त्यानंतर, तुम्ही उपवास सोडू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
