तिरुपतीतील प्रकारानंतर कळंबा कारागृह प्रशासन सतर्क झाले आहे. लाडू प्रसादासाठी उत्कृष्ट दर्जाचे साहित्य वापरले जाते. अन्न व औषध प्रशासनाकडून त्याची वेळोवेळी तपासणी केली जाते.
कोल्हापूर : यंदाच्या शारदीय नवरात्रोत्सवाच्या (Sharadiya Navratri Festival) पार्श्वभूमीवर करवीर निवासिनी अंबाबाई मंदिरात (Ambabai Temple) येणाऱ्या भाविकांसाठी प्रसाद म्हणून सव्वादोन लाखांहून अधिक लाडू तयार होणार आहेत. तिरुपती देवस्थानमधील (Tirupati Temple) प्रसादामध्ये भेसळीचा प्रकार नुकताच उघडकीस आला आहे. या पार्श्वभूमीवर अंबाबाई मंदिरातील लाडू प्रसादाचे नमुनेही अन्न व औषध प्रशासनाकडून घेतले जाणार आहेत.
अंबाबाई मंदिरात प्रसाद म्हणून दिले जाणारे लाडू कळंबा कारागृहातील (Kalamba Jail) बंदिजनांकडून तयार केले जातात. त्यातून आजवर शासनाला सात कोटींहून अधिक उत्पन्न मिळाले आहे. अनेक बंदिजनांच्या हाताला रोजगार उपलब्ध झाला आहे. श्री अंबाबाई मंदिराबरोबरच श्री जोतिबा मंदिरामध्ये लाडू प्रसादाचे भाविकांना वितरण केले जाणार आहे.
तिरुपतीतील प्रकारानंतर कळंबा कारागृह प्रशासन सतर्क झाले आहे. लाडू प्रसादासाठी उत्कृष्ट दर्जाचे साहित्य वापरले जाते. अन्न व औषध प्रशासनाकडून त्याची वेळोवेळी तपासणी केली जाते. मात्र, त्यानंतरही उत्सव काळात काही अनुचित प्रकार घडू नये, यासाठी अन्न व औषध प्रशासनाकडून लाडूचे नमुने तपासणीसाठी घेतले जाणार असल्याचे अन्न व औषध प्रशासन विभागाचे सहायक आयुक्त तुषार शिंगाडे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
