![Shravan Somvar Vrat after 19 years adhik maas culture why the shravan month is 59 days long this year 8 mondays](http://media.assettype.com/esakal%2F2022-07%2F16add2f7-efd3-4278-ba2d-e22d16c28577%2F10232787_4047_4803_9121_740e6af22841.jpg?w=480&auto=format%2Ccompress&fit=max)
अहमदनगर : या वर्षी श्रावण मासातच अधिक मास आला आहे. तब्बल १९ वर्षांनी असा योग येतो. यंदा आठ श्रावणी सोमवार असल्याबाबत काहींची संभ्रमावस्था आहे. तथापि, शुद्ध श्रावणातील चारच सोमवारी व्रतवैकल्ये करावीत, असे संबंधित तज्ज्ञ सांगतात.
अधिक मासामुळे यंदा दोन श्रावण महिने असतील. अधिक श्रावण मास व निज (शुद्ध) श्रावण मास. दोन्ही मिळून एकूण आठ सोमवार येतात. पहिला श्रावण महिना हा अधिक महिना असेल. त्यानंतर येणारा श्रावण महिना हा निज म्हणजेच शुद्ध श्रावण असेल.
दोन्ही श्रावण महिन्यांतील आठ सोमवार असले, तरीही शिवभक्तांनी केवळ निज श्रावण मासातील सोमवार (ता. २१ व २८ ऑगस्ट, तसेच ४ व ११ सप्टेंबर) व्रत करायचे आहे. निज श्रावणात सण साजरे करण्याची परंपरा आहे. तो कोणताही इंग्रजी महिना असला, तरीही अधिक श्रावणात सण साजरे केले जात नाहीत.
गटारी नव्हे, दीपान्वित अमावस्या
श्रावण सुरू होण्याच्या आधी दीपान्वित अमावस्या असते. तिला गटारी अमावस्या असे नाव सोयीनुसार ठेवण्यात आले. श्रावणामध्ये मांसाहार करता येत नसल्यामुळे बहुतेक लोक या दिवशी तो करतात. त्यामुळे या अमावस्येचे तसे नामकरण झाले. १७ जुलैला ही अमावस्या आहे.
दीप सूर्याग्निरूपस्त्वं तेजसां तेज उत्तमम् ।
गृहाण मत्कृतां पूजां सर्वकामप्रदो भव ॥ याप्रमाणे दिव्यांची पूजा करण्याची परंपरा आहे. तथापि, काही जण या अमावस्येला वेगळे रूप देत आहेत.
श्रावणाविषयी...
१८ जुलै ते १६ ऑगस्ट ः अधिक श्रावण मास
१७ ऑगस्ट ते १५ सप्टेंबर ः निज श्रावण (शुद्ध)
अधिक मासात करावयाची व्रते
तीर्थयात्रा करावी
विष्णुयाग करता येतो
पंढरपूर येथे सप्ताह केला जातो
जावयाची पूजा, धोंडा वाण देणे
हे आहेत शुद्ध श्रावणातील सण
नागपंचमी - २१ ऑगस्ट
रक्षाबंधन - ३० ऑगस्ट
श्रीकृष्ण जन्माष्टमी - ६ सप्टेंबर
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.