हैदराबादचे चार तरुण ताजमहाल पाहण्यासाठी आग्र्यात आले होते.
आग्र्यातील ताजमहाल (Agra Taj Mahal) संकुलामधील मशिदीत (Mosque) नमाज अदा करणाऱ्या 4 पर्यटकांना पोलिसांनी अटक केलीय. यातील 3 तरुण हैदराबादचे (Hyderabad), तर एक आझमगडचा आहे. हे चौघं ताजमहाल परिसरात बांधलेल्या मशिदीत नमाज अदा करत होते, तर तिथं फक्त शुक्रवारीच नमाज पडण्याची परवानगी आहे.
मिळालेल्या माहितीनुसार, बुधवारी हैदराबादचे चार तरुण ताजमहाल पाहण्यासाठी आग्र्यात आले होते. ताजमहालला भेट दिल्यानंतर चौघंही आवारात बांधलेल्या मशिदीत पोहोचले, तिथं माहिती नसल्यानं त्यांनी नमाज अदा करण्यास सुरुवात केली. याची माहिती मिळताच ताजच्या सुरक्षेत तैनात असलेल्या सीआयएसएफच्या जवानांनी घटनास्थळी जाऊन चार पर्यटकांना पकडून स्थानिक ताजगंज पोलिस स्टेशनच्या (Tajganj Police Station) ताब्यात दिलं.
दरम्यान, पोलिसांनी आरोपीविरुद्ध कलम 153 अन्वये गुन्हा दाखल केलाय. दर आठवड्याला शुक्रवारी ताज परिसरात बांधलेल्या मशिदीमध्ये ओळखपत्र दाखवल्यानंतर स्थानिक लोकांनाच नमाजासाठी प्रवेश दिला जातो. अशा परिस्थितीत बुधवारी बाहेरून आलेल्या या पर्यटकांनी नमाज अदा केली, तेव्हा सीआयएसएफच्या जवानांनी कडकपणा दाखवत त्यांना पकडलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
