उत्तर प्रदेशातील जौनपूर जिल्ह्याच्या मच्छली शहराच्या रसूलाबाद पोलीस ठाण्याच्या हद्दीत एक संतापजनक घटना समोर आली आहे. सहा पुरुषांनी एका अल्पवयीन मुलीला तिच्या घरातून पळवून नेत तिच्यावर ऑन कॅमेरा बलात्कार करण्याचा प्रयत्न केल्याचा धक्कादायक प्रकार समोर आला आहे. पीडित मुलीने आरडाओरड करत आरोपींच्या तावडीतून स्वत:ची सुटका करुन घेतली. त्यामुळे मोठा अनर्थ टळला. या घटनेचा व्हिडीओ सोशल मीडियावर व्हायरल झाला आहे.
व्हायरल झालेल्या व्हिडीओमध्ये चार जण अल्पवयीन मुलीवर सामूहिक अत्याचार करताना दिसत आहे. पीडित मुलगी स्वत:चा बचाव करत आहे. तरीही आरोपी जबरदस्ती करताना दिसत आहेत. पीडितेने आरोपींचा प्रतिकार केला असता आरोपींनी तिचे हात मुरडत तिच्यावर शारीरिक हल्ला केला.
यानंतर पीडित मुलीने आरडाओरडा करत आरोपींच्या तावडीतून स्वत:ची सुटका करून घेतली आणि घटनास्थळावरून पळ काढला आहे. यावेळी एक आरोपी संपूर्ण घटना मोबाईलमध्ये कैद करत होता. हाच व्हिडीओ सोशल मीडियावर व्हायरल झाला असून नेटकऱ्यांनी तीव्र संताप व्यक्त करत आरोपींवर कठोर कारवाई करण्याची मागणी केली आहे.
मुलगी आरडाओरडा करत असताना तिचा आवाज ऐकून लोक मदतीला येतील या भीतीने सहाही आरोपींनी घटनास्थळावरून पळ काढला आहे. हा व्हिडीओ व्हायरल झाल्यानंतर रसूलाबाद पोलीस ठाण्यात गुन्हा दाखल करण्यात आला असून पोलिसांनी सर्व आरोपींना अटक केली आहे. घटनेचा पुढील तपास सुरू आहे. ही घटना १४ ऑगस्ट रोजी रात्री घडली आहे, याबाबतची माहिती पोलिसांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
