नवी दिल्ली : केंद्र सरकारच्या (Central Govt) 31 लाखांहून अधिक कर्मचाऱ्यांना लवकरच नव्या वर्षी एक बंपर गिफ्ट (New Year Gift) मिळू शकतं. केंद्र सरकार याच महिन्यामध्ये महागाई भत्ता अर्थात डीए (DA) जमा करु शकते. सरकार गेल्या 18 महिन्यांपासून अडकलेला हा भत्ता एकसाथ जमा करण्याच्या तयारीत आहे. जर असं झालं तर येणाऱ्या काही दिवसांमध्येच केंद्रीय कर्मचाऱ्यांना (Central Govt Employees) एकावेळीच दोन लाख रुपयांहून अधिक मोठी रक्कम एकावेळीच हाती पडू शकते.
18 महिन्यांपासून पेंडींग आहे महागाई भत्ता
एका सरकारी रिपोर्टनुसार, एक मार्च 2019 रोजी केंद्र सरकारच्या कर्मचाऱ्यांची संख्या 31.43 लाख होती. कोरोनाची महासाथ आल्यानंतर डिए जमा करण्याची प्रक्रिया गेल्या 18 महिन्यांपासून पेंडिंग आहे. ताज्या बातम्यांनुसार, केंद्र सरकार या कर्मचाऱ्यांना 18 महिन्यांचा थकीत डीए या महिन्यातच देऊ करणार आहे. जर 18 महिन्यांचा हा डिए जमा करण्यात आला तर अनेक कर्मचाऱ्यांना एका वेळीच दोन लाखांहून अधिक रक्कम खात्यात जमा होऊ शकते.
डीए, डीआर, कॉम्पेन्सेशन वाढणार?
डीए आणि डीआर याबाबत सेंट्रल कॅबिनेटच्या पुढील बैठकीत निर्णय घेतला जाऊ शकतो. याशिवाय कॉम्पेन्सेशन देखील वाढवण्याच्या तयारीत सरकार आहे. या सरकारने गेल्या वर्षी ऑक्टोबरमध्ये डीए आणि डीआर वाढवून तो 17 टक्क्यांवरुन 31 टक्के केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
