शिर्डीच्या साईबाबांच्या खजिन्‍यात आणखी एका सोन्‍याच्‍या अमेरिकन डायमंड जडीत मुकुटाची भर पडली आहे. हैद्राबाद येथील साईभक्त डॉ. रामकृष्णा यांनी आपल्या धर्मपत्नीची इच्छा पूर्ण करण्यासाठी सुमारे 33 लाख रुपयांचा सुवर्ण मुकट साईबाबांच्या चरणी अर्पण केला आहे.
हा मुकूट नेमका कसा आहे ?
शिर्डीच्या साईबाबांना दान स्वरुपात मिळालेला मुकूट अतिशय सुंदर रेखीव आणि आकर्षक आहे. मुकुटावर अमेरिकन डायमंडचा साज चढवण्यात आला असून, त्यावर ओम या नावाची छबी रेखाटण्यात आली आहे. आणि मुकूटाच्या वरच्या भागाला मोरपिसाने सजवण्यात आलं आहे. या मुकूटाच वजन 742 ग्रॅम असल्याचं सांगितलं जात आहे. तर किंमत सुमारे 33 लाख रुपये आहे.हा मुकूट हैद्राबाद येथील एका कुशल कारागीराकडून बाबा तयार करुन घेतला आहे.असे डॉ. रामकृष्णा यांनी सांगितलं आहे.
पुढे ते सांगतात की, 1992 साली मी आणि माझी धर्मपत्नी शिर्डीला साईबाबा दर्शनसाठी आलो होतो. यावेळी आरतीदरम्यान मुकूट चढवत असल्याचा तो सोहळा माझी धर्मपत्नी रत्नाम्मा यांनी पाहिला. तेव्हाच त्यांनी मला पण साईबाबांना असाच सोन्याचा मुकूट चढवण्याची इच्छा व्यक्त केली. पण त्यावेळी ते आमच्या परिस्थितीच्या अभावी शक्य झालं नाही.
दरम्यानच्या पुढच्या काही काळातच दुदैवाने रत्नाम्मा यांचं निधन झालं. मात्र मला माझ्या पत्नीची शेवटची इच्छा स्वस्थ बसू देत नव्हती. डॉ. रामकृष्णा म्हणाले, 'साईबाबांच्या इच्छेपुढे काहीच नसतं, आज वयाच्या 88 व्या वर्षी पत्नीची इच्छा पूर्ण करताना खूप आनंद होत आहे. तिनं मागितलेलं हे मागणं मी पूर्ण करत आहे.हा मुकूट खरेदी करण्यासाठी मी सेवानिवृत्तीनंतर सलग 15 वर्षे अधिक काम करुन पैसे एकत्र करुन हा मुकूट घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.