ऑनलाइन शिक्षणासाठी घेतलेल्या मोबाईलवर पॉर्न व्हिडीओ, तिघांचा लहानग्यावर अत्याचार

तीन अल्पवयीन मुलांनी ९ वर्षाच्या बालकावर अनैसर्गिक अत्याचार (Crime) केल्याची संतापजनक घटना समोर आली आहे. तिन्ही मुलं पीडित मुलावर दीड महिन्यापासून वारंवार अत्याचार करत होते. आठवी आणि नववीत शिकणाऱ्या या तिन्ही मुलांना पोलिसांनी ताब्यात घेतले आहे. तमिळनाडूच्या तुतीकोरीनमध्ये (Tamil Nadu) ही घटना घडली आहे.

दोन आठवीत आणि एक नववीत शिकणारा असे तिन्ही विद्यार्थी ऑनलाइन अभ्यास करण्यासाठी मोबाईल वापरत होते. तसेच ते मिळून याच मोबाईलवर गेम देखील खेळत होते. पण, एकाने मध्येच पॉर्न व्हिडिओ सुरू केला. तिघांनीही तो व्हिडिओ पाहिला. त्यानंतर शेजारी राहणाऱ्या पीडित मुलाला देखील तो व्हिडिओ दाखवला. त्यानंतर या तिघांनीही ९ महिन्याच्या बालकावर अनैसर्गिक अत्याचार केला. जवळपास दीड महिन्यापासून हा संतापजनक प्रकार सुरू होता. कधी घरी कोणी नसताना तर कधी गावाच्या बाहेर नेऊन हे मुलं त्याच्यावर अत्याचार करत होते.

मुलगा अत्याचाराला घाबरून घराबाहेर पडत नव्हता. मात्र, त्याचे मित्र त्याची बाहेर येण्याची वाट पाहत होते. तो बाहेर आला नाहीतर शिवीगाळ करून त्याला घराबाहेर बोलवत होते. मुलाला शारीरिक आणि मानसिक अत्याचार सहन न झाल्याने तो आजारी पडला. त्यानंतर त्याला ५ जानेवारीला कोविलपट्टी येथील खासगी रुग्णालयात दाखल करण्यात आले. त्याच्यावर १५ जानेवारीपर्यंत उपचार सुरू होते. त्याच्या मानसिक आघात झाल्याचे डॉक्टरांनी त्यांच्या आई-वडिलांना सांगितले. त्यानंतर त्याचे समुपदेशन केल्यावर त्याने घडलेली घटना सांगितली. त्यानंतर ही अत्याचारी घटना उघडकीस आल्याचे पोलिसांनी सांगितले. दरम्यान, पोलिसांनी तिन्ही अल्पवयीन आरोपींना ताब्यात घेतले आहे. तसेच पुढील कारवाई सुरू आहे.