नवी दिल्ली : तिहार तुरुंगात असलेले मुख्यमंत्री अरविंद केजरीवाल हे मधुमेहाचे रुग्ण असून त्यांना इन्सुलिन घेण्यास तुरुंग प्रशासन अनुमती देत नाही. यामागे पंतप्रधान नरेंद्र मोदी यांची आकसाचा व दुष्ट हेतू असल्याचा गंभीर आरोप आपचे खासदार संजय सिंह यांनी आज पत्रकार परिषदेत केला.
गेल्या २१ मार्चपासून मुख्यमंत्री केजरीवाल दिल्ली मद्य धोरण गैरव्यवहाराच्या आरोपाखाली तिहार तुरुंगात आहेत. मुख्यमंत्री केजरीवाल यांना एखाद्या दहशतवाद्यासारखी वागणूक दिली असून त्यांना कुटुंबातील व्यक्तींना सुद्धा भेटू दिले जात नाही. ते गेल्या ३० वर्षांपासून मधुमेहाचे रुग्ण आहेत. त्यांना दररोज इन्सुलिन घ्यावे लागते. अन्यथा त्यांची प्रकृती ढासळू शकते. परंतु तुरुंग प्रशासन त्यांना इन्सुलिन सुद्धा घेऊ देत नाही. तुरुंग प्रशासनाला हे आदेश पंतप्रधान मोदी यांच्या कार्यालयातून येत असल्याचा आरोप खासदार सिंह यांनी केला. मुख्यमंत्री केजरीवाल यांना अन्नातून विषबाधा होण्याची शक्यता असल्याचा आरोपही त्यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
