मध्य प्रदेशमध्ये या वर्षाच्या शेवटी विधानसभा निवडणूका होणार आहेत. तब्बल पाच महिने आधीपासून दोन्ही पक्षांकडून निवडणूकीची तयारी केली जात आहे. यादरम्यान मुख्यमंत्री शिवराज सिंह चौहान लोकांमध्ये जाऊन केलेल्या कामाची आठवण करून देत आहेत. तर काँग्रेसकडून माजी मुख्यमंत्री कमलानाथ आणि दिग्विजय यांनी प्रचार सुरू केला आहे.
काँग्रेस पक्षाने विधानसभेच्या वेगवेगळ्या मतदारसंघांवरती फोकस केल्याचं दिसून येत आहे. काँग्रेस मागे जेथे पराभव पत्करावा लागला त्या जागांवर लक्ष केंद्रित केलं जात आहे. निवडणूकांच्या तयारीदरम्यान एक सर्व्हे समोर आला आहे. या सर्व्हेमध्ये मध्यप्रदेशमध्ये मुख्यमंत्रीपदाची माळ कोणाच्या गळ्यात पडेल याबद्दल माहिती समोर आली आहे.
एबीपी-सी वोटर सर्व्हेनुसार शिवराज सिंह चौहान आणि कमलनाथ यांच्यात या निवडणूकीत थेट लढत पाहायला मिळेल. सर्व्हेमध्ये सहभागी झालेल्यांपैकी ३७ टक्के लोकांनी मुख्यमंत्रीपदासाठी शिवराज यांना तर ३६ टक्के कमलनाथ यांना पसंती दिली आहे.
तसेच काँग्रेस सोडून भाजपमध्ये गेलेल्या ज्योतिरादित्य सिंधिया यांना देखील भरपूर पाठिंबा मिळाला आहे. सिंधिया यांना १२ टक्केल लोक मुख्यमंत्री पाहू इच्छितात. याखेरीज माजी मुख्यमंत्री दिग्विजय सिंह यांना फक्त १ टक्के लोकं मुख्यमंत्री पदावर पाहू इच्छितात. या सर्व्हेमध्ये १७ हजार ११३ लोकांनी आपले मत नोंदवले आहे.
सर्व्हेमध्ये १४ टक्के लोकांनी यापैकी कोणालाही मुख्यमंत्री म्हणून पसंती दिलेली नाहीये. २०१८ मध्ये झालेल्या विधानसभा निवडणूकीत जनातेने काँग्रेसला सत्ता दिली होती. यानंतर काँग्रेसने कमलनाथ यांना मुख्यमंत्रपदाची जबाबदारी दिली होती.
मात्र त्यांचा कार्यकाळ जास्त काळ चालू शकला नाही. २०२० मध्ये ज्योतिरादित्यासिंधिया यांनी काँग्रेसमध्ये बंड करत भाजपमध्ये प्रवेश केला. त्यांच्यासोबत अनेक आमदार देखील भाजपमध्ये गेले. यामुळे काँग्रेस सरकार पडलं. सिंधियांच्या गटातील आमदारांना सोबत घेऊन भाजपने राज्यात सरकार स्थापन केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
