![nilesh lanke](http://media.assettype.com/esakal%2F2024-06%2F5efdf785-0ca2-4686-882c-2f8d80dc34d3%2FKartik_Pujari___2024_06_25T120955_496.jpg?w=480&auto=format%2Ccompress&fit=max)
नवी दिल्ली- नगर लोकसभा मतदारसंघाचे नवनिर्वाचित खासदार निलेश लंके यांनी आज संसदेमध्ये शपथ घेतली. यावेळी त्यांनी इंग्रजीमध्ये संसदेच्या सदस्यत्वाची शपथ घेतली आहे. भाजपचे नेते आणि माजी खासदार सुजय विखे यांचे आव्हान स्वीकारून लंके यांनी इंग्रजीमधून शपथ घेतली असल्याचं बोललं जात आहे.
निलेश लंके यांच्या शिक्षकांवरून त्यांना अनेकदा ट्रोल करण्यात आले आहे. त्यांचे प्रतिस्पर्धी आणि भाजप नेते सुजय विखे यांनी देखील यावरून त्यांच्यावर मिश्किल टिप्पणी केली होती. याच पार्श्वभूमीवर निलेश लंके यांनी संसदेमध्ये इंग्रजीमधून शपथ घेतली. यावेळी संसदेतील उपस्थित खासदार त्यांच्याकडे आश्चर्याने पाहात होते. काहींनी त्यांचे कौतुक केल्याचं देखील समजतं.
बीबीसीच्या रिपोर्टनुसार, निलेश लंके यांचे १२ वी पर्यंतचे शिक्षण झाले आहे. त्यानंतर त्यांनी आयटीआय केला आहे. काहीकाळ ते कंपनीमध्ये काम करत होते. हंगा स्टेशनवर त्यांनी हॉटेल देखील सुरू केले होते. पण, त्यांचं यात मन रमलं नाही. त्यांनी हॉटेल बंद केलं आणि सामाजिक कार्य करण्यास सुरूवात केली. हंगा गावात त्यांच्यामागे मोठा जनाधार उभा राहिला. त्यांनी येथे ग्रामपंचायत जिंकली होती.
२४ जूनपासून १८ व्या लोकसभेचे अधिवेशन सुरु झाले आहे. यानिमित्त पहिल्या दिवशी पंतप्रधान मोदी आणि इतर कॅबिनट मंत्र्यांनी पदाची शपथ घेतली. २५ जून रोजी महाराष्ट्रातील खासदारांनी संसदेच्या सदस्यत्वाची शपथ घेतली. यावेळी निलेश लंकेंनी इंग्रजीतून पदाची शपथ घेतल्याने अनेकांच्या भुवया उंचावल्या होत्या. 'जय राम कृष्ण हरी' असं म्हणत लंकेनी आपल्या शपथेचा शेवट केला. यावेळी ओळखीच्या खासदारांनी 'व्वा' म्हणत त्यांना दाद दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.