देशभरात थंडीचा जोर कायम आहे. अशात देशातील बर्फाळ प्रदेशांमध्ये मोठया प्रमाणावर बर्फवृष्टीही होत असल्याचे चित्र आहे.मात्र आश्चर्याची बाब म्हणजे या प्रदेशात कोरोना प्रतिबंधक लसीकरण मोहीम जोमाने सुरू आहे. इतक्या थंडीत आणि बर्फवृष्टीत आरोग्य कर्मचारी अगदी छोट्या छोट्या खेड्यांमध्ये जाऊनही लसीकरण करत असल्याचे समोर आले आहे. त्यांच्या या कार्याचे सर्व स्तरातून केल्या जात आहे.
अशा बर्फवृष्टीत जम्मू काश्मीरच्या आरोग्य विभागाच्या मार्गदर्शनाखाली बारामुल्ला येथील बोनियार येथे नियंत्रण रेषेजवळ असलेल्या अनेक गावांमध्ये लसीकरण मोहीम राबवण्यात येत आहे. शनिवारला प्रचंड थंडीत, बर्फवृष्टीत, बर्फाने भरलेल्या रस्त्यांमधून मार्ग काढत आरोग्य कर्मचारी यांनी छोट्या छोट्या खेड्यांमध्ये जाऊन लसीकरण केले. खेड्यातील प्रत्येक घरी लसीकरण पोहचावे, हा उद्देश समोर ठेऊन लसीकरण मोहीम राबविण्यात येत आहे.
यावेळी भारतीय लष्कराने लसीकरण मोहीम राबविणाऱ्या आरोग्य पथकांना मदत पुरवत त्यांना सहकार्य केले. तसेच या लसीकरण मोहिमेत १५-१८ वयोगटातील मुले आणि बूस्टर डोससाठी पात्र असलेल्यांना सुद्धा लसमात्रा देण्यात आल्या असल्याची माहिती ब्लॉक मेडिकल ऑफिसर डॉ परवेझ मसूदी यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
