गोध्रा ट्रेन हत्याकांड प्रकरणी न्यायालयानं आरोपीला जन्मठेपेची शिक्षा सुनावलीय.
2002 Godhra Train Coach Burning Case : 2002 च्या गोध्रा ट्रेन हत्याकांड प्रकरणी गोध्रा न्यायालयानं (Godhra Court) एका आरोपीला जन्मठेपेची शिक्षा सुनावलीय. या घटनेत 59 कारसेवकांचा मृत्यू झाला होता.
गुजरातमधील पंचमहाल जिल्ह्यातील गोध्रा अतिरिक्त सत्र न्यायाधीशांच्या न्यायालयानं शनिवारी आरोपी रफिक भाटुक (Accused Rafiq Bhatuk) याला जन्मठेपेची शिक्षा सुनावलीय. भाटुकला फेब्रुवारी 2021 मध्ये अटक करण्यात आली होती. गेल्या वर्षी अटक झाल्यानंतर या प्रकरणी त्याच्याविरुद्ध खटला सुरू झाला.
27 फेब्रुवारी 2022 रोजी अयोध्येहून कारसेवकांना घेऊन परतणाऱ्या ट्रेनला आग लावण्याच्या प्रकरणात भाटुकचा सहभाग असल्याचा आरोप आहे. या घटनेत 59 जणांचा मृत्यू झाला. त्यामुळं जातीय दंगलीही उसळल्या. यामध्ये 1200 हून अधिक लोकांचा मृत्यू झाला होता. विशेष सरकारी वकील आर. सी. कोडेकर यांच्याकडून मिळालेल्या माहितीनुसार, भाटुक हा या प्रकरणातील आतापर्यंतचा 35 वा आरोपी असून, त्याच्यावर न्यायालयात गुन्हा सिद्ध झालाय.
गेल्या वर्षी पंचमहाल पोलिसांनी विशेष कारवाई करून गोध्रा शहरातील एका भागातून भाटुकला ताब्यात घेतलं होतं. आरोप सिद्ध झाल्यानंतर तो फरार झाला होता, त्या काळात तो अनेक शहरांमध्ये राहत होता. विशेष एसआयटी न्यायालयानं यापूर्वी 1 मार्च 2011 रोजी या प्रकरणात 31 जणांना दोषी ठरवलं होतं, त्यापैकी 11 जणांना फाशीची तर 20 जणांना जन्मठेपेची शिक्षा सुनावली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
