एअर इंडियाकडून युक्रेनसाठी तीन उड्डणे सुरू करण्याची घोषणा करण्यात आली आहे.
नवी दिल्ली : रशिया आणि युक्रेनमधील तणावपूर्ण वातावरणात एअर इंडियाने मोठा निर्णय जाहीर केला आहे. एअर इंडियाने भारत युक्रेनदरम्यान तीन उड्डाणे सुरू करण्याची घोषणा केली आहे. यामुळे युक्रेनमध्ये संकटात अडकलेल्या भारतीय विद्यार्थ्यांसाठी ही काहीशी दिलासादायक बातमी आहे. याबाबत एअर इंडियाने शुक्रवारी ट्वीट केले आहे. (Air India Announced Flights For Ukraine)
एअर इंडियातर्फे तीन उड्डाणांची घोषणा
युक्रेनसाठी सुरू करण्यात उड्डाणांबाबत एअर इंडियाने तारखांची देखील माहिती दिली असून, भारत-युक्रेनदरम्यान, 22, 24 आणि 26 फेब्रुवारी रोजी उड्डाणे चालवली जाणार असल्याचे स्पष्ट करण्यात आले आहे. एअर इंडियाची कार्यालये, वेबसाइट, कॉल सेंटर आणि अधिकृत ट्रॅव्हल एजंट्सद्वारे या फ्लाइट्सचे बुकिंग आतापासून सुरू झाल्याचेही ट्वीटमध्ये नमुद करण्यात आले आहे. (Russia-Ukraine Crises Latest News In Marathi )
युक्रेनमध्ये 20 हजारांहून अधिक भारतीय विद्यार्थी
सरकारी आकडेवारीनुसार युक्रेनमध्ये 20 हजारांहून अधिक भारतीय विद्यार्थी शिक्षण घेत (Indian Student In Ukraine) आहेत. त्यात सध्या रशियासोबत सुरू असलेल्या तणावामुळे भारत सरकार विद्यार्थ्यांना पुन्हा मायदेशात परत आणण्यासाठी प्रयत्न करत आहे. युक्रेन इंटरनॅशनल एअरलाइन्स, एअर अरेबिया, फ्लाय दुबई आणि कतार एअरवेज सध्या युक्रेनमधून उड्डाणे चालवत असून, अतिरिक्त मागणी पूर्ण करण्यासाठी आगामी काळात आणखी उड्डाणांची संख्या वाढविण्याचे नियोजन करण्यात येत असल्याचे मंत्रालयाकडून काही दिवसांपूर्वीच सांगण्यात आले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.