मुंबई : नव्या युगातील स्पर्धेला सज्ज होण्यासाठी एअर इंडियाने आज आपला नवा लोगो, गोल्डन विंडो फ्रेम, सादर केली. मात्र एअर इंडियाचा जुना विख्यात महाराजाही कायम राहणार असून त्याचाही अन्य स्वरूपात वापर होईल, असे एअर इंडियाच्या वतीने सुचित करण्यात आले.
एअर इंडिया आणि द व्हिस्टा यांच्या एकत्रीकरणामुळे हा नवा लोगो तयार करण्यात आला आहे. कात टाकण्याच्या या प्रयत्नांमध्ये एअर इंडिया आपल्या विमानांची अंतर्गत दुरुस्ती, सजावट करीत असून त्यावर आतापर्यंत ४० कोटी डॉलर खर्च झाले आहेत. पहिली एअरबस ३५० लवकरच ताफ्यात येत असून ७७७ व ७८७ या विमानांचे नूतनीकरणही लवकरच होईल, अस कॅम्पबेल म्हणाले.
एअर इंडियाची नवी वेबसाईट आणि मोबाईल ॲप सेवेत आले असून नवे कस्टमर केअर सेंटरही लवकरच येईल. आम्ही सध्या संक्रमण अवस्थेच्या मध्यात आहोत, ते पूर्ण होण्यासाठी खूप मोठा टप्पा गाठायचा आहे असेही ते म्हणाले. तर आम्ही एअर इंडियामध्ये नवे तंत्रज्ञान आणू, कंपनीला जागतिक स्पर्धेला तोंड देता यावे यासाठी या वर्षात पुष्कळ काम केले आहे. अजूनही ते करावे लागेल असेही ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
