एअर एशिया कंपनीचे सीईओ टोनी फर्नांडिस हे सध्या चर्चेत आहेत. याला कारण ठरतोय त्यांचा व्हायरल होत असणारा एक फोटो. टोनी यांनी इंडोनेशिया आणि एअर एशिया कल्चरचं कौतुक करणारी एक पोस्ट आपल्या लिंक्ड-इन अकाउंटवरुन शेअर केली होती. मात्र या पोस्टवरुन त्यांच्यावर मोठ्या प्रमाणात टीका देखील होत आहे.
टोनी यांनी आपल्या पोस्टसोबतच स्वतःचा एक फोटोही जोडला आहे. यामध्ये ते एक व्हर्चुअल मीटिंग अटेंड करत आहेत. ही मीटिंग सुरू असताना ते शर्टलेस बसले आहेत, आणि मसाज देखील घेत आहेत.
"हा आठवडा अगदीच तणावाचा होता. मात्र, इंडोनेशिया आणि एअर एशिया कल्चर एवढं चांगलं आहे, की मी मसाज घेत असतानाच मॅनेजमेंट मीटिंग देखील अटेंड करू शकतो. आम्ही चांगली प्रगती करत आहोत, आणि कॅपिटल ए स्ट्रक्चर फायनल केलं आहे. यापुढचा प्रवास रोमांचक असणार आहे. आम्ही जे उभारलं आहे, त्याचा मला अभिमान आहे." असं टोनी यांनी आपल्या पोस्टमध्ये म्हटलं आहे.
या पोस्टमध्ये त्यांनी कंपनीचं कौतुक केलं असलंं, तरी त्यांच्यावर फोटोमुळे मोठ्या प्रमाणात टीका होता आहे. कित्येक नेटकऱ्यांनी अशा प्रकारे मीटिंग अटेंड करणं चुकीचं असल्याचं म्हटलं आहे. तुमची कंपनी कितीही मनमोकळी असली, तरीही हे योग्य नाही. तुम्ही सीईओ असाल किंवा साधा कर्मचारी - तुम्ही अशा प्रकारे शर्टलेस होऊन आणि मसाज घेत मीटिंग अटेंड करणं चुकीचं असल्याचं नेटिझन्स म्हणत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.