"भाजप जिंकणार असं चित्र एक्झिट पोलला निर्माण करायचंय"

Akhilesh Yadav : भाजपचा विजय होत असल्याचं चित्र EXIT POLL ला निर्माण करायचं आहे. लोकशाहीतली ही शेवटची निवडणूक आहे. उमेदवारांना माहिती न देता ईव्हीएमची वाहतूक केली जातेय असं म्हणत समाजवादी पक्षाचे प्रमुख अखिलेश यादव यांनी चिंता व्यक्त केली आहे. समाजवादी पक्ष अयोध्यामध्ये जिंकतोय, त्यामुळे भाजपला भिती वाटतेय. निवडणूक आयोगाचे अधिकारी ईव्हीएममध्ये छेडछाड करतात, असा दावा समाजवादी पक्षाचे प्रमुख अखिलेश यादव यांनी केला आहे.

"इव्हीएम अशा प्रकारे हाताळले जात असतील तर आपण सावध होण्याची गरज आहे. ही चोरी आहे. आम्हाला आमची मतं वाचवायची आहेत. याविरोधात आम्ही न्यायालयात जाऊ शकतो, पण त्याआधी मला लोकांना लोकशाही वाचवण्याचं आवाहन करायचं आहे," असं समाजवादी पक्षाने म्हटलं आहे. समाजवादी पक्षाचे प्रमुख अखिलेश यादव यांनी आज निवडणूक आयोग आणि भाजपवर गंभीर आरोप केले आहेत.