सध्या भारतात देण्यात येत असलेल्या कोव्हॅक्सिन, कोविशील्ड आणि स्पुटनिक व्ही लशीचे दोन डोस दिले जातात.
वॉशिंग्टन - अमेरिकन फार्मा कंपनी जॉन्सन अँड जॉन्सनने भारतात कोरोना प्रतिबंधक सिंगल डोसच्या लसीसाठी परवानगी मागितली आहे. सरकारने जॉन्सन अँड जॉन्सनला परवानगी दिल्यास ही चौथी लस असणार आहे. सध्या भारतात कोरोनाला रोखण्यासाठी सुरु असलेल्या लसीकरण मोहिमेत तीन लशींचा वापर केला जात आहे. यामध्ये कोव्हॅक्सिन, कोविशील्ड आणि रशियन स्पुटनिक व्ही लशीचा समावेश आहे.
कोव्हॅक्सिन, कोविशील्ड आणि स्पुटनिक व्ही लशीचे दोन डोस दिले जातात. आतापर्यंत या लशींचा वापर करून देशातील जवळपास 50 कोटी लोकांना लस देण्यात आली आहे. जर जॉन्सन अँड जॉन्सनच्या लशीला परवानगी मिळाली तर भारतात सिंगल डोसची ही पहिली लस असेल.
जॉन्सन अँड जॉन्सनने याआधी सोमवारी म्हटलं होतं की, भारतात सिंगल डोसची लस लाँच करण्यासाठी आम्ही तयार आहे. यासाठी भारत सरकारसोबत चर्चा सुरु असून मंजुरी मिळेल अशी आशा आहे. जॉन्सन अँड जॉन्सनने पाच ऑगस्टला भारत सरकारकडे लशीला मंजुरी मिळावी यासाठी अर्ज केला आहे.
जॉन्सन अँड जॉन्सनला परवानगी मिळाल्यास तो एक मैलाचा दगड ठरणार आहे. बायोलॉजिकल ई लिमिटेडच्या सहकार्याने भारतातील लोकांसह जगातील इतर नागरिकांना कोरोना लशीचा पुरवठा करते. बायोलॉजिकल ई जगाला लशीचा पुरवठा करण्यात महत्त्वाची भूमिका बजावेल. त्यांच्याकडूनच जॉन्सन अँड जॉन्सनला कोरोना लशींच्या पुरवठ्यासाठी मदत होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
