आशिष मिश्राचा जामीन रद्द करण्यासाठी सुप्रीम कोर्टात याचिका दाखल

लखीमपूर खेरी प्रकरणातील मुख्य आरोपी केंद्रीय मंत्री अजय मिश्रा (Ajay Mishra) यांचा मुलगा आशिष मिश्रा (Ashish Mishra) याची मंगळवारी जामीनावर सुटका झाली होती. त्यानंतर कागदोपत्री प्रक्रिया पूर्ण करून आशिषला सोडण्यात आले होते मात्र आता आशिष मिश्रा यांचा जामीन रद्द करण्यासाठी एका वकिलाने सर्वोच्च न्यायालयात (Supreme Court)याचिका दाखल केली आहे.

तीन ऑक्टोबर रोजी झालेल्या टिकुनिया घटनेत चार शेतकरी, एक पत्रकार, एक चालक आणि दोन भाजप कार्यकर्ते ठार झाले होते. एका पत्रकाराच्या मृत्यूप्रकरणी एसआयटीने आशिष मिश्रा उर्फ ​​मोनूसह १४ आरोपींविरुद्ध आरोपपत्र दाखल केले होते. त्यात चार शेतकऱ्यांचा समावेश होता. याप्रकरणी आशिष मिश्रा हा १० ऑक्टोबरपासून जिल्हा कारागृहात होता. या प्रकरणात उच्च न्यायालयाकडून जामीन मिळाल्यानंतर जिल्हा न्यायाधीशांच्या न्यायालयातून त्यांची सुटका करण्याचे आदेश मंगळवारी सकाळी कारागृहात पोहोचले. त्यानंतर कागदोपत्री प्रक्रिया पूर्ण करून आशिषला सोडण्यात आले. आशिष १२८ दिवसांनंतर तुरुंगातून बाहेर आला आहे