Anantnag encounter : जम्मू-काश्मीरच्या अनंतनागमध्ये दहशतवाद्यांशी झालेल्या चकमकीत लष्कराचे 2 जवान शहीद, 3 जखमी

जम्मू काश्मीरमधील अनंतनाग जिल्ह्यात मोठी घटना समोर आली आहे. येथे लष्कराचे जवान आणि दहशतवाद्यांमध्ये झालेल्या चकमकीत दोन जवान शहीद झाले आहेत. तर तीन जवान जखमी झाले असल्याची माहिती समोर आली आहे. अधिकाऱ्यांनी दिलेल्या माहितीनुसार, जखमी जवानांना रुग्णालयात दाखल करण्यात आले आहे. तर दहशतवाद्यांचे पळून जाण्याचे रस्ते बंद करण्यात आले आहेत.

अधिकाऱ्यांनी सांगितले की, अद्यापही चकमक सुरू आहे. तर पोलिसांनी दिलेल्या माहितीनुसार अनंतनाग जिल्ह्यातील कोकरनाग येथे अहलान भागात दहशतवादी आणि भारतीय लष्कर यांच्यात चकमक सुरू झाली आहे. पोलिसा आणि लक्षराची एक टीमने विशेष इनपुटच्या आधारे अहलान येथे नाकेबंदी आणि शोध मोहिम सुरू करणअयात आली होती. यादरम्यान लपून बसलेल्या दहशतवाद्यांनी सुरक्षा दलांवर गोळीबार सुरू केला.