आंध्र प्रदेशातील पश्चिम गोदावरी जिल्ह्यात (Andhra Pradesh Bus Accident) बुधवारी एक मोठी दुर्घटना घडली. आंध्र प्रदेश राज्य परिवहन मंडळाच्या बस चालकाचा (APSRTC) बसवरील ताबा सुटल्याने बस नाल्यात पडून तब्बल नऊ जणांचा दुर्देवी मृत्यू झाला. दरम्यान 22 जण जखमी झाले आहेत.
पश्चिम गोदावरी जिल्ह्याचे पोलिस अधीक्षक राहुल देव शर्मा यांनी वृत्तसंस्था पीटीआयला फोनवरून दिलेल्या माहितीनुसार, तेलंगणातील अस्वरपेट येथून जांगरेड्डीगुडेमला येथे जात असलेल्या बसमध्ये सुमारे 47 प्रवासी होते. राज्याचे मुख्यमंत्री व्हीईएस जगन मोहन रेड्डी (Y S Jaganmohan Reddy) यांनी मृतांना प्रत्येकी 5 लाख रुपयांची भरपाई जाहीर केली आहे. तसेच त्यांनी जखमींना चांगले उपचार देण्याचे आदेश जिल्हाधिकाऱ्यांना दिले आहेत.
दरम्यान समोरुन येत असलेल्या लॉरीला रस्ता देण्याच्या प्रयत्नात चालकाचे नियंत्रण सुटल्याने हा अपघात झाल्याचे सांगण्यात येत आहे. दरम्यान पोलिस अधीक्षकांनी सांगितले की, APSRTC बस चालकाने जालेरू नदी ओलांडून पुलावर विरुद्ध दिशेने येणारी लॉरी टाळण्याचा प्रयत्न केला. त्यामुळे बस पुलाच्या रेलिंगला धडकून 25 फूट खाली नाल्यात पडली. तसेच आतापर्यंत पाच महिला प्रवाशांसह आठ मृतदेह बाहेर काढले आहेत, अशी माहिती त्यांनी यावेळी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
