''प्राणीप्रेम असेल तर मासांहार कमी करा, पण फटाके फोडू द्या''

नवी दिल्ली : मुलांना फटाके फोडण्यापासून रोखू नये, असा सल्ला देणारे आध्यात्मिक गुरू जग्गी वासूदेव (Jaggi Vasudeo) आपल्या मतावर ठाम असून त्यांचा आणखी एक व्हिडिओ समोर आला आहे. मुलांच्या आनंदासाठी फटाक्यांवरील बंदी (Firecracekrs ban) उठविण्यात यावी. तुम्हाला प्राणी आणि प्रदूषणाबाबत इतकंच प्रेम असेल तर मांसाहार कमी करा, असं मत त्यांनी मांडलं आहे.

''आपण दररोज २०० दशलक्ष प्राण्यांची कत्तलखान्यात कत्तल करत असतो. फक्त दिवाळीच्या वेळी आपले प्राणी आणि पक्ष्यांबद्दल प्रेम जागृत होते. मासांहार करणे कमी केले, तर आपण दररोज १०० दशलक्ष प्राणी वाचवून शकतो. तुम्हाला जर प्राण्यांबद्दल प्रेम असेल तुम्ही हे करायला पाहिजे. तुम्ही खात असलेले कबाब, बीफ हे प्राणी आहेत. त्यांना मारून तुम्हाला हे पदार्थ खायला मिळतात. त्यासाठी कधीतरी कत्तलखान्याला भेट द्या. त्यानंतर तुम्हाला सर्व गोष्टींची जाणीव होईल'', असं गुरू जग्गी वासूदेव म्हणाले.

यापूर्वी जग्गी वासूदेव यांनी मुलांना फटाके वाजविण्याचा सल्ला दिला होता. ''मुलांना फटाके फोडण्यापासून रोखू नका. मी बर्‍याच वर्षात फटाका पेटवला नाही. पण लहानपणी मला त्याचा किती आनंद मिळत होता ते आठवते." ज्या लोकांना वायू प्रदूषणाची चिंता आहे त्यांनी रोज आपल्या कामाच्या ठिकाणी चालत जावे, मुलांना मजा करता यावी म्हणून पुढील तीन दिवस गाडी चालवू नये. मुलांना फटाके फोडण्याची मजा घेऊ द्या, असं म्हटलं होतं.