Gangster Lawrence Bishnoi's Brother Anmol Bishnoi Arrested In US: लॉरेन्स बिष्णोईला अटक झाल्यानंतर अनमोल हाच बिष्णोई टोळी चालवत होता. तो मागील वर्षीच बनावट पासपोर्टच्या आधारे भारतातून कॅनडामध्ये पळून गेला होता. तरीही परदेशातून त्याचे टोळीवर नियंत्रण होते. अभिनेता सलमान खान याला धमक्या आणि त्याच्या घरावर गोळीबार करणे, पंजाबी गायक सिद्धू मूसेवाला याची दोन वर्षांपूर्वी झालेली हत्या या प्रकरणांमध्ये अनमोलचा हात असल्याचा आरोप आहे.
वॉशिंग्टन: माजी मंत्री बाबा सिद्दीकी यांच्या हत्येचा सूत्रधार असल्याचा आरोप असलेला फरार गुंड अनमोल बिष्णोई याला अमेरिकेतील पोलिसांनी ताब्यात घेतले असल्याचे सूत्रांनी सांगितले. अनमोल हा कुख्यात गुंड लॉरेन्स बिष्णोईचा धाकटा भाऊ आहे.
