नवी दिल्ली : पंतप्रधान नरेंद्र मोदी आणि केंद्रीय गृहमंत्री अमित शहा यांना विरोध करणाऱ्यांना शहरी नक्षलवादी ठरविले जाते, अशी जोरदार टीका काँग्रेस खासदार राहुल गांधी केली आहे.
कोरेगाव-भीमा प्रकरणाची विशेष तपास पथकाद्वारे (एसआयटी) चौकशी करण्याची मागणी राज्यामध्ये जोर धरत असतानाच केंद्र सरकारने अचानक तडकाफडकी निर्णय घेत हे प्रकरण राष्ट्रीय तपास संस्थेकडे (एनआयए) वर्ग केले. हे करण्याआधी महाराष्ट्र सरकारला विश्‍वासात घेण्यात आले नाही. त्यामुळे काँग्रेस-राष्ट्रवादी काँग्रेसकडून केंद्राच्या निर्णयावर टीका करण्यात येत आहे. राष्ट्रवादी काँग्रेसचे अध्यक्ष शरद पवार यांनीही यावर संशय घेतला असून, सत्य बाहेर येईल या भीतीमुळे सरकारने हा निर्णय घेतल्याचे म्हटले आहे.
आता राहुल गांधी यांनीही ट्विट करत या प्रकरणाचा तपास एनआयएकडे दिल्याने टीका केली आहे. राहुल गांधी म्हणाले, की मॉश (मोदी-शहा) यांना विरोध करणाऱ्यांना शहरी नक्षलवादी ठरविले जाते. कोरेगाव-भीमा हे संघर्षाचे प्रतीक असून, सरकारच्या तालावर नाचणारी एनआयए ते मिटवू शकत नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.