नवी दिल्ली : बहुचर्चित मद्य धोरण गैरव्यवहार प्रकरणी सक्तवसुली संचालनालयाने (ईडी) विशेष न्यायालयात दाखल केलेल्या पुरवणी दोषारोपपत्रात दिल्लीचे मुख्यमंत्री अरविंद केजरीवाल यांना 37 व्या क्रमांकाचे तर आम आदमी पक्षाला 38 व्या क्रमांकाचे आरोपी बनविण्यात आले आहे. केजरीवाल यांनी गैरव्यवहाराचा कट रचला होता आणि तेच मुख्य सूत्रधार असल्याचे दोषारोप पत्रात नमूद करण्यात आले आहे.
दक्षिण लॉबीला मद्य वितरणाचे परवाने देण्याच्या बदल्यात मोठ्या प्रमाणात लाच घेण्यात आली. लाचेचा पैसा गोवा विधानसभा निवडणुकीत वापरला जाणार असल्याची माहिती केजरीवाल यांना होती तसेच कटात ते सामील होते, असे सांगतानाच आरोपी विनोद चौहान याच्यासोबत व्हॉट्सअॅपवर झालेल्या संदेश आदानप्रदानाची माहिती दोषारोपपत्रात देण्यात आली आहे.
बीआरएस नेत्या के. कविता यांचे सहायक असलेल्या विनोद चौहानच्या मार्फत 25.5 कोटी रुपये गोवा निवडणुकीसाठी 'आप'पर्यंत पोहोचविण्यात आल्याचा दावा ईडीने केला आहे. विशेष न्यायालयाच्या न्यायमूर्ती कावेरी बावेजा यांच्या न्यायालयासमोर ईडीने 17 मे रोजी सातवे अतिरिक्त दोषारोपपत्र दाखल केले होते, त्यात 'आप' ला आरोपी बनविण्यात आले होते. तर आठवे अतिरिक्त दोषारोपपत्र अलिकडेच दाखल करण्यात आले होते. या दोषारोपपत्रात विनोद चौहान आणि आशिष माथूर यांना आरोपी करण्यात आले होते. दोन्ही आरोपींना ईडीकडून शुक्रवारी न्यायालयात हजर केले जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
