‘युपीएमध्ये जाण्याचा प्रश्न नाही, मला हे राजकारण कळत नाही’

युपीएमध्ये जाण्याचा प्रश्न येत नाही. मला हे राजकारण कळत नाही. जर कुठल्या पक्षाला विरोध करायचा असेल, पाडायचे असेल तर ते लोक करतील. आमचे विरोधक भाजप (BJP) आणि काँग्रेस (Congress) दोन्ही आहेत. आम्ही विकासाचे मुद्दे घेऊन निवडणूक लढतो आहे. भाजपला जाती धर्मावर बोलावे लागत; कारण, त्यांचाकडे दुसरे कोणतेही मुद्दे नाही, असे दिल्लीचे मुख्यमंत्री अरविंद केजरीवाल (Arvind Kejriwal) म्हणाले.

गोव्यात काँग्रेसला (Goa Assembly Election 2022) मतदान करणे म्हणजे भाजपला ‘अप्रत्यक्ष मत’ ठरेल असे टीकास्त्र आम आदमी पक्षाचे प्रमुख अरविंद केजरीवाल (Arvind Kejriwal) यांनी केले होते. काँग्रेसजनांचा (Congress) सत्ताधारी पक्षात जाण्याचा कल पाहता त्यांनी हे वक्तव्य केले होते. त्यामुळेच गोव्यात लढत आप आणि भाजपमध्ये (BJP) आहे, असेही मुख्यमंत्री अरविंद केजरीवाल (Arvind Kejriwal) म्हणाले. गोव्यात १४ फेब्रुवारी रोजी विधानसभेच्या ४० जागांसाठी मतदान होणार आहे. तर १० मार्च रोजी निकाल जाहीर होणार आहे. आप राज्यातील सर्व विधानसभेच्या जागा लढवत आहे. केजरीवाल यांनी एनडीटीव्हीशी बोलताना हे विधान केले होते.