पावसाळ्यामध्ये सध्या सगळं वातावरण कसं अकदम ओक्के आहे. काय ती झाडी, काय डोंगर, काय धबधबे, काय बीच.... एकदम ओक्के असं म्हणत पावसाळ्यात बाहेर फिरायला जाणाऱ्यांंची संख्या अधिक आहे. पण पावसाळ्यात फिरायला गेल्यावर आपापली काळजी घेणही तेवढंच महत्त्वाचं आहे. दोन तरूण मुली समुद्रात वाहून जातानाचा एक व्हिडिओ सध्या सोशल मीडियात व्हायरल होत आहे. वाह.. क्या समंदर असं म्हणत एक तरुण कॅमेऱ्यात व्हिडिओ रेकॉर्ड करत होता. यादरम्यान एक मोठी लाट आली आणि त्यात दोन तरुणी वाहून गेल्या. हा सर्व प्रकार अवघ्या काही क्षणातच घडलाय.
(Beach 2 Young Girl Viral Video)
पावसाळ्यात अनेक दुर्घटना घडत असतात. अशावेळी पर्यटकांनी काळजी घेतली पाहिजे. पावसाळ्यात समुद्राच्या भरतीच्या वेळी फिरायला बीचवर जाणे धोकादायक असते. असाच एका बीचवरील एक व्हिडीओ सध्या व्हायरल होत आहे. यामध्ये दोन तरूणी समुद्रात वाहून जाताना दिसत आहेत. तिला वाचवण्यासाठी काहीजण धावतात पण तोपर्यंत त्या समुद्रात आतपर्यंत वाहून गेलेल्या असतात. खवळलेल्या समुद्रात या तरूणींना वाचवण्यासाठी स्थानिकांनी प्रयत्न केले. पण पाण्याच्या प्रवाहामुळे त्यांचे प्रयत्न अयशस्वी ठरले.
व्हायरल होत असलेला व्हिडिओ कुठला आहे याची माहिती अद्याप उपलब्ध झालेली नाही पण समुद्राच्या ठिकाणी किंवा कुठेही फिरायला जाताना पर्यटकांना आपल्या जिवाची काळजी घेतली पाहिजे. कारण एक चूकही आपला जीव घेऊ शकते याचं हे जिवंत उदाहरण.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.