Cyclone Biparjoy : बिपरजॉय जन्मला गं बिपरजॉय जन्मला; गुजरातमध्ये पाळण्यात अवतरलं इवलंस वादळ

Cyclone Biparjoy : चक्रीवादळ बिपरजॉयने गुजरातमध्ये कहर केला. बिपरजॉय चक्रीवादळ आज मध्यरात्री पर्यंत गुजरातच्या किनाऱ्यावर धडकणार आहे. हवामान खात्याने रेड अलर्ट जारी केल्यानंतर, तिन्ही दलांसह एनडीआरएफ आणि इतर मदत दलांना तैनात करण्यात आले आहे.

दरम्यान, एक आनंदाची बातमी देखील समोर आली आहे. ही बातमी वाचून तुम्हीही थक्क व्हाल. काल म्हणजेच बुधवारी गुजरातमधील जाखाऊ येथे एका महिलेने एका बाळाला जन्म दिला, ज्याला चक्रीवादळानंतर 'बिपरजॉय' असे नाव देण्यात आले आहे. महिला आणि तिचे कुटुंबीय सध्या आश्रम सदनात आहेत.

सुरक्षा दलांनी महिला आणि तिच्या कुटुंबीयांना कच्छमध्ये सुरक्षित स्थळी नेले आहे. कुटुंबातील एक महिला गरोदर होती. बुधवारी तिला प्रसूती वेदना झाल्या, त्यानंतर अंगडी कार्यकर्त्यांनी तिला रुग्णालयात दाखल केले. बुधवारी संध्याकाळी महिलेने एका मुलीला जन्म दिला, तिचे नाव बिपरजॉय आहे. news24online ने याबाबत वृत्त दिले आहे.