भाजपचे नवनियुक्त अध्यक्ष भूपेंद्र सिंह चौधरी यांनी लखनौमध्ये पदभार स्वीकारला आहे.
उत्तर प्रदेश भाजप अध्यक्षपदाची (Uttar Pradesh BJP President) सूत्रं हाती घेतल्यानंतर, भूपेंद्र चौधरी (Bhupendra Chaudhary) यांनी पंचायत राज मंत्रिपदाचा राजीनामा दिलाय. चौधरींनी ट्विट करून ही माहिती दिलीय.
चौधरींनी आपल्या ट्विटमध्ये लिहिलंय, भारतीय जनता पक्षाच्या (BJP) प्रदेशाध्यक्षपदाच्या जबाबदारीसाठी आज मी मंत्रिमंडळाचा राजीनामा दिला आहे. राज्यमंत्री आणि कॅबिनेट मंत्री म्हणून त्यांच्या पहिल्या आणि दुसऱ्या कार्यकाळात राज्यातील जनतेची सेवा करण्याची संधी उपलब्ध करून दिल्याबद्दल आणि वेळोवेळी दिलेल्या सूचना, प्रेरणादायी मार्गदर्शन आणि आशीर्वादासाठी त्यांनी पंतप्रधानांसह मुख्यमंत्र्यांचे आभार मानलेत.
भाजपचे नवनियुक्त अध्यक्ष भूपेंद्र सिंह चौधरी यांनी सोमवारी लखनौमध्ये पदभार स्वीकारला. यावेळी ते म्हणाले, मी केंद्रीय नेतृत्वाचं आभार मानतो की त्यांनी मला यूपीची महत्त्वाची जबाबदारी दिलीय. माझ्यासारख्या सामान्य कार्यकर्त्याला इथपर्यंत पोहोचवणं ही भाजपची ताकद आहे. मी जिल्हाध्यक्ष आणि आता प्रदेशाध्यक्ष आहे. जिल्हाध्यक्ष असताना लोक माझ्या विरोधात होते, पण मी काम करत राहिलो आणि जनतेचा आशीर्वाद घेतला. माझ्या पक्षानं मला मोठा सन्मान दिला आहे, असंही त्यांनी नमूद केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
