शत्रुघ्न सिन्हा आणि राष्ट्रीय जनता दलाचे अध्यक्ष लालू प्रसाद यादव यांच्यात अनेक वर्षांपासूनची मैत्री आहे.
पाटणा : जर नरेंद्र मोदी (Narendra Modi) पंतप्रधान होऊ शकतात तर तेजस्वी यादव मुख्यमंत्री बनण्यात गैर काय आहे? असा सवाल अभिनेते आणि तृणमूल काँग्रेसचे (Trinamool Congress) खासदार शत्रुघ्न सिन्हा यांनी उपस्थित केलाय.
संख्याबळ आणि जनतेचा पाठिंबा असेल तर आम्ही आणि तुम्हीही मुख्यमंत्री-पंतप्रधान (CM PM) होऊ शकतो. शत्रुघ्न सिन्हा (Shatrughan Sinha) पाटणा विमानतळावर पत्रकारांशी संवाद साधत होते.
सिन्हा म्हणाले, आमचे मित्र नरेंद्र मोदी हे सक्षम पंतप्रधान मानले जात असतील तर तेजस्वी यादवमध्ये काय कमी आहे? असा सवाल त्यांनी केला. शत्रुघ्न सिन्हा आणि राष्ट्रीय जनता दलाचे अध्यक्ष लालू प्रसाद यादव यांच्यात अनेक वर्षांपासूनची मैत्री आहे. भाजपचे खासदार असताना शत्रुघ्न यांनी रांची तुरुंगात लालू प्रसाद यादव यांची भेट घेतली होती.
2019 च्या लोकसभा निवडणुकीत पाटणा साहिबमधून ते (सिन्हा) काँग्रेसचे उमेदवार होते. राजदनं त्यांना पाठिंबा दिला होता. शत्रुघ्न सिन्हा म्हणाले, राहुल गांधींसह देशातील अनेक नेते पंतप्रधानपदासाठी सक्षम आहेत. बंगालच्या मुख्यमंत्री ममता बॅनर्जी या देशातील एकमेव महिला मुख्यमंत्री आहेत. त्या एक जबरदस्त नेता आहेत. 2024 च्या लोकसभा निवडणुकीत त्या गेमचेंजर ठरू शकतात, असंही त्यांनी स्पष्ट केलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
