Biparjoy Cyclone In Pakistan : अरबी समुद्रातील बिपरजॉय हे चक्रीवादळ वेगाने गुजरातच्या किनारपट्टीवर आले आहे. तर यासाठी प्रशासनाची सगळी यंत्रणा कामाला लागली असून जवान नागरिकांच्या मदतीसाठी सज्ज आहे. या चक्रीवादळाचे अनेक व्हिडिओ सोशल मीडियावर व्हायरल होत असून हे वादळ आता पाकिस्तानातील कराचीत पोहोचले आहे.
कराचीत वादळ पोहोचल्याचे व्हिडिओ व्हायरल झाले असून तेथील प्रशासनाची कोणतीच तयारी नसल्याचं या व्हिडिओमध्ये दिसत आहे. चक्रीवादळाच्या पार्श्वभूमीवर गुजरात आणि केंद्र सरकारने सगळी यंत्रणा कामाला लावली आहे. तर काही भागातील नागरिकांचे स्थलांतर केले आहे.
हे वादळ गुजरातहून पाकिस्तानच्या दिशेने वळणार असल्याची शक्यता वर्तवली जात होती. तरीही येथे कोणतीच यंत्रणा सज्ज नसल्याचं दिसत आहे. तर अनेक नागरिकांची धांदल उडाल्याचं दिसत आहे.
चक्रीवादळाचा धोक समोर दिसत असूनही पाकिस्तान सरकारने नागरिकांची कोणतीच काळजी घेतली नसल्याचं या व्हिडिओमध्ये दिसत आहे. रस्त्यावरील वाहतूक, दुकाने चालू असल्याचं दिसत असून भर रस्त्यावर लोकं, गाड्या बिनधास्तपणे फिरत आहेत. पण वातावरण खवळलेलं असून सोसाट्याचा वारा सुटल्याचं या व्हिडिओमध्ये दिसत आहे. हा व्हिडिओ मोठ्या प्रमाणावर शेअर केला जात आहे.
दरम्यान, "केंद्र सरकार आणि राज्यांनी मिळून गेल्या 9 वर्षामध्ये अनेक आपत्तींना तोंड दिले आहे. या नवीन आपत्तीला तोंड देण्यासाठी सरकार पूर्णपणे तयार असल्याचं केंद्रीय गृहमंत्री अमित शाह यांनी म्हंटलं आहे. 'बिपरजॉय' चक्रीवादळामुळे होणारे संभाव्य नुकसान कमी करणे हे आमचे उद्दिष्ट आहे" असं शाह म्हणाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
