Loksabha Election 2024: राम मंदिराच्या उद्घाटनानंतर भाजप जाहीर करणार लोकसभेसाठी पहिली यादी...

Loksabha Election 2024: २२ जानेवारीला अयोध्या येथील मंदिरात श्रीरामाच्या मुर्तीची प्राणप्रतिष्ठा झाल्यानंतर भाजप लोकसभेसाठी पहिली यादी जाहीर करणार आहे. जानेवारीच्या शेवटच्या आठवड्यात ही यादी प्रसिद्ध होण्याची शक्यता आहे.

निवडणुका जाहीर होण्याआधी भाजपची पहिली यादी येणार आहे. दिल्लीत भाजपची बैठक सुरु आहे. भाजपचे सर्व राज्यांचे प्रमुख अध्यक्ष विविध  आघाड्यांचे अध्यक्ष दिल्लीत पोहोचले आहेत. या बैठकीत चर्चेनंतर कोअर कमिटीच्या बैठकीत निर्णय होणार आहे, अशी माहिती एबीपी माझाने दिली आहे. 

लोकसभा निवडणुकीसाठी भाजपने आपला नारा देखील तयार केला आहे. पक्षाने पुढच्या वर्षी होणाऱ्या निवडणुकीसाठी 'सपने नहीं हकीतत बुनते हैं, इसलिए तो सब मोदी को चुनते हैं' असा नारा दिला आहे. लोकसभा निवडणुकीच्या तयारीसंदर्भात आज (शुक्रवार २२ डिसेंबर) दिल्लीत पक्षाच्या पदाधिकाऱ्यांची दोन दिवसीय बैठक सुरू होत असताना भाजपने हा नारा निवडला आहे. यात पंतप्रधान नरेंद्र मोदी आणि भाजपचे राष्ट्रीय अध्यक्ष जेपी नड्डा यांच्यासह अनेक नेते सहभागी होणार आहेत.

भाजपची पहिली यादी कधी येणार?

या बैठकीत विकास भारत संकल्प अभियानासोबतच छत्तीसगड, राजस्थान, मध्य प्रदेश, तेलंगणा आणि मिझोरामच्या विधानसभा निवडणुकीच्या निकालांवरही चर्चा होऊ शकते. किंबहुना, राजस्थान, छत्तीसगड आणि मध्य प्रदेश या हिंदी भाषिक राज्यांमध्ये भाजपने मोठा विजय मिळवला आहे. तर तेलंगणात काँग्रेसला सत्ता मिळाली आहे. पुढील वर्षी होणाऱ्या लोकसभा निवडणुकीच्या पार्श्वभूमीवर या निवडणुकांकडे सेमीफायनल म्हणून पाहिले जात होते. (Latest Marathi News)