नवी दिल्ली : आर्थिक वर्ष 2019-20 मध्ये कॉर्पोरेट कंपन्यांकडून राष्ट्रीय राजकीय पक्षांना 921.95 कोटी रुपयांची देणगी मिळाली आहे. यामधील सर्वाधिक देणगी भारतीय जनता पक्षाला मिळाली असल्याची माहिती समोर आली आहे. असोशिएशन फॉर डेमोक्रॅटीक रिफॉर्म्स (ADR) च्या एका रिपोर्टनुसार भाजपला या आर्थिक वर्षामध्ये एकूण 720.407 कोटी रुपये कॉर्पोरेट देणगी मिळाली आहे. या रिपोर्टमध्ये पाच पक्षांना मिळालेल्या देणगीचं विश्लेषण केलं गेलंय. (corporate donations to political party news)
ADR ही राजकारणामध्ये पारदर्शकता आणण्यासाठी काम करणारी खासगी संघटना असून एका विश्लेषणानुसार 2017-18 आणि 1018-19 दरम्यान राष्ट्रीय राजकीय पक्षांना मिळणाऱ्या कोर्पोरेट देणगीमध्ये 109 टक्क्यांची वाढ झाली आहे. हे विश्लेषण पक्षांनी निवडणूक आयोगाला दिलेल्या देणग्यांच्या माहितीवरुन करण्यात आलं आहे. एका आर्थिक वर्षात ₹ 20,000 पेक्षा जास्त देणग्या देणाऱ्या देणगीदारांच्या पक्षांनी भारतीय निवडणूक आयोगाला दिलेल्या तपशिलांच्या आधारे हे विश्लेषण करण्यात आलंय.
ज्या पाच राजकीय पक्षांना मिळालेल्या देणग्यांचं विश्लेषण ADR ने केलंय त्यामध्ये भाजप, काँग्रेस, राष्ट्रवादी काँग्रेस पार्टी, तृणमूल काँग्रेस आणि कम्युनिस्ट पार्टी ऑफ इंडिया - मार्क्सवादी हे पक्ष सामील आहेत. रिपोर्टनुसार, आर्थिक वर्ष 2019-20 च्या दरम्यान, काँग्रेस पक्षाला 154 देणगीदारांकडून 133.04 कोटी रुपये आणि राष्ट्रवादी काँग्रेस पक्षाला 36 कॉर्पोरेट देणगीदारांकडून 57.086 कोटी रुपयांची देणगी मिळाली आहे. तर सीपीएमने 2019-20 साठी कॉर्पोरेट देणग्यांमधून कोणतेही उत्पन्न मिळालं नसल्याचं म्हटलंय.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
