नवी दिल्लीः दिल्लीचे उपमुख्यमंत्री मनिष सिसोदिया यांना मद्य घोटाळ्याप्रकरणी अटक करण्यात आली आहे. सीबीआयने ही कारवाई केली आहे. यावर आता आम आदमी पक्षाकडून प्रतिक्रिया आली आहे. त्याला भाजप खासदार आणि माजी क्रिकेटपटू गौतम गंभीर यांनी प्रत्युत्तर दिलं.
भारतीय जनता पक्षाचे खासदार गौतम गंभीर यांनी सिसोदिया यांच्या अटकेवर ट्विट केले आहे. गौतम गंभीरने लिहिलंय की, "गुनाह करके कहां जाओगे गालिब, ये ज़मीं ये आसमां सब “AAP” ही का तो है !
आपचे आमदार सौरभ भारद्वाज म्हणाले, "सीबीआय पूर्णपणे केंद्राच्या इशाऱ्यावर काम करत आहे. मनीष सिसोदिया यांना अटक होणार हे आम्हाला आधीच माहीत होते. तसेच तपास यंत्रणा कशा प्रकारे काम करतात हे दुःखद आणि अंदाज लावण्यासारखे आहे.
केंद्राकडून सीबीआयचा गैरवापर होत असल्याचा 'आप'चा दावा भाजपचे मनजिंदर सिंग सिरसा यांनी फेटाळून लावला. सिसोदिया यांच्या शिक्षण आणि अर्थ खात्याचा संदर्भ देत सिरसा यांनी सांगितले की, "त्यांनी शिक्षणावर काम केले असेल, परंतु याचा अर्थ असा नाही की त्यांनी मद्यधोरणात भ्रष्टाचार करावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
