नवी दिल्ली- भाजप खासदार रमेश बिधुरी यांनी बसपा खासदार दानिश अली यांच्याबाबत असंसदीय शब्दांचा वापर केला होता. यावरुन देशात मोठा गदारोळ निर्माण झालाय. रमेश बिधुरी यांच्याविरोधात कारवाई करण्याची मागणी जोर धरु लागली आहे. दुसरीकडे भाजपकडून दानिश अली यांच्या विरोधात मोर्चा उघडण्यात आला आहे. भाजप खासदार हरनाथ सिंग यादव यांनी यासंदर्भात लोकसभेचे सभापती ओम प्रकाश बिर्ला यांना पत्र लिहिलं आहे.
लोकसभेमध्ये बोलताना रमेश बिधुरी जे काही बोलले त्याचं समर्थन होऊ शकत नाही. पण, दानिश अली यांनीही संसदेत पंतप्रधान मोदींचा अपमान केला आहे. त्यांनी पंतप्रधान मोदी यांचा नीच असा उल्लेख केला. त्यामुळे नाराज झालेल्या रमेश बिधुरी यांनी दानिश अली यांच्याबाबत अपशब्द वापरले. पंतप्रधान मोदी यांच्याविरोधात विरोधक अनेकदा अपशब्द बोलत असतात, असं ते पत्रात म्हणाले आहेत.
पंतप्रधान मोदी यांचा आदर सर्व जग आणि भारत करते. त्यामुळे संसदेतील खासदारानेही त्यांना आदर करावा अशी अपेक्षा असते. विरोधक याप्रकरणाला राजकीय रंग देत आहेत, हे दुर्दैवी आहे. कोणत्याही विरोधकाने दानिश अली यांच्या कृतीचा निषेध व्यक्त केला नाही. उलट नफरत की दुकान म्हणत त्यांना अधिक उत्तेजन दिले जात आहे, असं म्हणत त्यांनी राहुल गांधी यांच्यावरही टीका केलीये.
संसद हे एक पवित्र मंदिर आहे. संविधान लोकशाहीचा आत्मा आहे आणि खासदार लोकशाहीचे रक्षक आहेत. पण, त्यांच्याकडूनच संसदेची प्रतिष्ठा जपली जात नाहीये. पंतप्रधान मोदी यांना सभागृहात नीच म्हणण्यात आलं, त्यामुळे माझा संताप झाला आहे. सभापतींनी या प्रकरणात लक्ष द्यावं. जेणेकरुन सत्य बाहेर येईल, असं हरनाथ सिंग यादव म्हणालेत. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
