यूपीमध्ये भाजपला धक्के; आणखी ३ आमदारांनी पक्ष सोडला

उत्तर प्रदेश निवडणुकीपूर्वी (assembly election) स्वामी प्रसाद मौर्य यांनी राजीनामा दिल्यानंतर भाजपच्या (BJP) आणखी तीन आमदारांनी पक्ष सोडला (3 more MLAs left the party) आहे. कानपूर देहाट आणि बांदा येथील आमदारांनीही भाजपचा राजीनामा दिला आहे. शाहजहांपूरचे तिल्हारचे आमदार रोशनलाल वर्मा यांनीही भाजपला सोडचिठ्ठी देत सायकलवर स्वार झाले आहेत.

स्वामी प्रसाद मौर्य यांच्या राजीनाम्याच्या वृत्तानंतर कानपूर बिल्हौरचे भाजप आमदार भागवत सागर स्वामी प्रसाद यांना भेटण्यासाठी त्यांच्या निवासस्थानी पोहोचले होते. तिन्ही आमदारांनी समाजवादी पक्षात प्रवेश करण्याची चर्चा सुरू आहे. भाजप सोडल्यानंतर रोशनलाल वर्मा म्हणाले की, स्वामी प्रसाद मौर्य जिथे जातील तिथे त्यांच्यासोबतच राहू. भाजप सरकारमध्ये आमची उपेक्षा झाली आहे. यूपीमध्ये भाजपचे नाही तर अधिकाऱ्यांचे सरकार आहे. लोकभवनात दोन तास बसायचे. रोशनलाल वर्मा यांनी मंत्री सुरेश खन्ना यांच्याकडे दुर्लक्ष केल्याचा आरोपही केला.

विधानसभा निवडणुकीपूर्वी (assembly election) भाजपमध्ये (BJP) सुरू झालेला राजीनाम्याचा फेरा वाढत चालला आहे. स्वामी प्रसाद मौर्य यांच्यानंतर आणखी तीन आमदारांनी पक्ष सोडल्यानंतर आणखी आमदारांची नावे चर्चेत आली आहेत. सूत्रांकडून मिळालेल्या माहितीनुसार, ममतेश शाक्य, विनय शाक्य, धर्मेंद्र शाक्य आणि नीरज मौर्य हे पक्ष सोडू शकतात. मात्र, अद्याप त्यांनी कहीही सांगितलेले नाही.