BJP Latest News : पंतप्रधान नरेंद्र मोदी स्वतःला चहावाले समजतात. त्याच जोरावर त्यांनी आपली आणि पक्षाची लोकप्रियता मिळवली. 'चाय पे चर्चा' ह्या त्यांच्या यशस्वी प्रयोगानंतर आता भाजपकडून नव्या मोहिमेची घोषणा करण्यात आलेली आहे.
पुढच्या वर्षी २०२४मध्ये लोकसभेच्या निवडणुका पार पडत आहेत. नुकत्याच झालेल्या कर्नाटक विधानसभेच्या निवडणुकीत भाजपचा दणदणीत पराभव झाला तर काँग्रेसला अभूतपूर्व यश मिळालं. त्यामुळे भाजपही नव्या जोमाने कामाला लागल्याचं दिसून येत आहे.
मोदी सरकारची ९ वर्षांची कामगिरी लोकांना समजावून सांगण्यासाठी भाजपने आता 'टिफिन बैठक' या लेबलखाली मोहीम सुरु केली आहे. उद्या भाजपचे राष्ट्रीय अध्यक्ष जेपी नड्डा हे या मोहिमेची सुरुवात करणार आहेत. आग्रा येथून भाजपच्या या नव्या मोहिमेची सुरुवात होईल.
भाजपच्या प्रत्येक आमदार आणि खासादाराला या मोहिमेसंदर्भात माहिती देण्यात आलेली आहे. भाजपचे राष्ट्रीय सरचिटणीस सुनील बन्सल, विनोद तावडे आणि तरुण चुग यांना या मोहिमेचं प्रभारी बनवण्यात आलेलं आहे.
भाजपच्या वतीने २ महिन्यांमध्ये ४ हजार विधानसभा मतदारसंघांमध्ये या टिफिन मीटिंगचे आयोजन करण्यात आलेले आहे. या बैठकीच्या माध्यमातून समाजाच्या प्रत्येक स्तरासोबत बसून भोजन करण्याचा संकल्प करण्यात आलेला आहे. या बैठाकंमध्ये संबंधित विधानसभा मतदारसंघातील भाजपचे कार्यकर्ते, सामाजिक कार्यकर्ते, विविध संघटनांचे आजी-माजी प्रतिनिधी, लोकप्रतिनिधी यांचा समावेश असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
