नवी दिल्ली : आगामी लोकसभा निवडणुकीत भाजपला उत्तर प्रदेशात गतवेळपेक्षा जास्त जागा मिळतील, असा विश्वास केंद्रीय गृहमंत्री अमित शहा यांनी बुधवारी येथे एका कार्यक्रमात बोलताना व्यक्त केला. दरम्यान, ओडिशातील बिजू जनता दलासोबत युती करायची की नाही, याचा अंतिम निर्णय भाजपाध्यक्ष जे. पी. नड्डा हे घेतील, असे शहा यांनी एका प्रश्नाच्या उत्तरात सांगितले.
लोकसभा निवडणुकीत घराणेशाहीचा पुरस्कार करणाऱ्या पक्षांना जनता धडा शिकविल्याशिवाय राहणार नाही. गतवेळी उत्तर प्रदेशात भाजपने ८० पैकी ७१ जागा जिंकल्या होत्या. २०१९ च्या निवडणुकीवेळी हा आकडा ६२ पर्यंत खाली आला होता. मात्र आगामी निवडणुकीत पक्षाला गतवेळपेक्षा जास्त जागा मिळतील, असे शहा म्हणाले. निवडणूक रोख्यांचा संदर्भ देत कॉंग्रेसचे नेते राहुल गांधी यांनी भाजप म्हणजे जगातले सर्वात मोठे वसुली रॅकेट असल्याची टीका केली होती. गांधी यांच्या या विधानाचा शहा यांनी समाचार घेतला.
‘’भाजपने रोख्यांच्या माध्यमातून पैसे घेतले तर त्याला वसुली म्हटली जाते. मग कॉंग्रेसने जो पैसा रोख्यांच्या माध्यमातून घेतला, त्याला 'हप्ता वसुली' म्हणायचे काय, असे सांगत शहा पुढे म्हणाले की, रोख्यांचा संपूर्ण तपशील जेव्हा बाहेर येईल, तेव्हा ‘इंडिया’ आघाडीच्या नेत्यांना तोंड दाखवायला जागा राहणार नाही. निवडणूक रोख्यांच्या माध्यमातून राजकीय पक्षांना निधी द्यायची पद्धत बंद झाली तर राजकारणात पुन्हा काळा पैसा येईल, अशी आपणास भीती आहे.’’
बीजेडीसोबतच्या आघाडीचा निर्णय नड्डा घेतील
बिजू जनता दलासोबत युती करायची की नाही, याचा अंतिम निर्णय भाजपाध्यक्ष नड्डा घेतील. ओडिशामध्ये भाजपची शक्ती मोठ्या प्रमाणात वाढली असून स्वतंत्रपणे निवडणुका लढविण्याची वेळ आली तरी पक्ष त्यासाठी तयार आहे, असे शहा म्हणाले. पंजाबमधील अकाली दलासोबत युती करण्याच्या दृष्टीने चर्चा सुरु असल्याची माहितीही त्यांनी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
