‘कोर्ट’ नावाच्या एका गटाचा या धमकीमागे हात असल्याची माहिती पोलिसांना मिळाली आहे. बंगळूरमधील शाळांना यापूर्वीही अशाच प्रकारचे धमकीचे ई-मेल आले आहेत.
बंगळूर : बंगळुरातील आठ खासगी शाळांना बॉम्बच्या धमकीचे ई-मेल मिळाल्याने चिंतेचे वातावरण निर्माण झाले आहे. शाळांना धमकीच्या ई-मेलची माहिती मिळताच पोलिस आणि बॉम्ब निकामी पथकांनी घटनास्थळी भेट देऊन कसून पाहणी केली; मात्र स्फोटके सापडली नाहीत. नंतर ही बॉम्बची धमकी बनावट असल्याचे समोर आले, असे अधिकाऱ्यांनी सांगितले.
बंगळूर स्कॉटिश स्कूल, भवन बंगळूर प्रेस स्कूल, चित्रकूट स्कूल, दीक्षा हायस्कूल, एडिफाई स्कूल, गंगोत्री इंटरनॅशनल पब्लिक स्कूल, गिरीधनवा स्कूल आणि जैन हेरिटेज स्कूल यांना धमकीचे ई-मेल आल्याचे सांगण्यात आले. शाळेच्या आवारात बॉम्ब ठेवण्यात आला आहे.
काही तासांत त्याचा स्फोट होईल, अशी ई-मेलमध्ये धमकी दिली होती. ‘कोर्ट’ नावाच्या एका गटाचा या धमकीमागे हात असल्याची माहिती पोलिसांना मिळाली आहे. बंगळूरमधील शाळांना यापूर्वीही अशाच प्रकारचे धमकीचे ई-मेल आले आहेत. एकाच वेळी २०-३० शाळांना बॉम्बस्फोटाच्या धमकीचे संदेश आल्याने संपूर्ण शहरात भीतीचे वातावरण निर्माण झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
